‘अर्णबचा छळ सुरूय; त्याच्या जीविताला धोका निर्माण झाल्‍यास ठाकरे सरकार जबाबदार’
मुंबई | वास्तुविशारद अन्वय नाईक व त्यांच्या आईने केलेल्या आत्महत्ये प्रकरणी रिपब्लिक टीव्हीचे मुख्य संपादक अर्णब गोस्वामी यांना अटक झाली असून त्याना स्थानिक कोर्टाने १४ दिवसांची न्यायालयीन कोठडी सुनावली आहे.
अर्णव गोस्वामी यांची रवानगी सुरक्षेच्या कारणास्तव तळोजा येथील कारागृहात करण्यात आली आहे. अर्णब यांच्यासह फिरोज शेख आणि नितेश सरडा यांचीही रवानगी तळोजा कारागृहात करण्यात आली आहे. या तिन्ही आरोपींना मागील चार दिवसांपासून अलिबाग नगरपालिका शाळेत कैद्यांसाठी असलेल्या क्वारंटाइन सेंटर मध्ये ठेवण्यात आले होते.
याचाच धागा पकडत भाजपा नेते नारायण राणे यांनी महाविकास आघाडी सरकारवर हल्लाबोल केला आहे. ‘अर्णब गोस्वामी यांच्या जीविताला काही धोका निर्माण झाला तर त्याची जबाबदारी सरकारची असेल,’ असे नारायण राणे यांनी म्हंटले आहे.
‘गोस्वामी यांचं प्रकरण उच्‍च न्‍यायालयामध्‍ये असूनही वारंवार वेगवेगळया तुरुंगात हलवून त्‍यांचा शारीरिक छळ राज्‍य सरकार आणि पोलिसांनी चालवला आहे. राज्‍य सरकारकडून पत्रकारितेची गळचेपी होत असल्याचा गंभीर आरोप नारायण राणे यांनी केला आहे.
दरम्यान, ट्विटकरत राणे पुढे म्हणतात, ‘गोस्वामी यांच्या जीविताला काही धोका निर्माण झाल्‍यास त्याची जबाबदारी महाआघाडी सरकारची राहिल,’ असे म्हणत नारायण राणे यांनी ठाकरे सरकारवर निशाण साधला आहे.
महत्त्वाच्या बातम्या
अहमदनगरमध्ये उडाली खळबळ! जलसंधारण मंत्र्याच्या घरी सापडला मृतदेह
आयुष्यभर ब्रम्हचारी राहीलेल्या पत्रकाराने ६५ व्या वर्षी लग्न केले; कारण ऐकून डोळ्यांत पाणीच येईल
सीरम इंस्टीट्यूटमध्ये तीन कोटी कोरोना लशी तयार; ‘या’ दिवशी येणार बाजारात
फटाक्यांवरील बंदीबाबत मुख्यमंत्री उद्धव ठाकरेंची मोठी घोषणा
Comments are closed, but trackbacks and pingbacks are open.