Nagpur News : नागपूर (Nagpur City) परिसरात गेल्या दोन महिन्यांपासून सुरू असलेल्या मेंदूज्वरासदृश्य (Brain Fever-like Illness) आजाराने पालकांमध्ये प्रचंड भीतीचं वातावरण निर्माण झालं आहे. या संशयित आजारामुळे मृत झालेल्या बालकांचा आकडा आता 10 वर पोहोचला असून, अजूनही मृत्यूचं नेमकं कारण स्पष्ट झालेलं नाही. त्यामुळे आरोग्य विभाग, तज्ज्ञ डॉक्टर आणि पालक या सर्वांच्याच मनात संभ्रम निर्माण झाला आहे.
दोन महिन्यांत 10 बालकांचा मृत्यू
अलीकडेच नागपूरमधील एका खाजगी रुग्णालयात मध्यप्रदेशातील (Madhya Pradesh) परासिया (Parasia) येथील दोन वर्षांच्या बालिकेचा मृत्यू झाला. यानंतर गेल्या दोन महिन्यांतील एकूण मृत्यूंचा आकडा दहावर पोहोचला. या मृत बालकांपैकी पाच महाराष्ट्रातील (Maharashtra) वेगवेगळ्या जिल्ह्यांतून नागपूरला उपचारासाठी आले होते, तर उर्वरित पाच मध्यप्रदेशातून दाखल झाले होते.
‘ॲक्युट एन्सेफेलायटिस सिंड्रोम’चा संशय, पण टेस्ट निगेटिव्ह
या सर्व मृत्यूंमागे “ॲक्युट एन्सेफेलायटिस सिंड्रोम” (Acute Encephalitis Syndrome – AES) असल्याचा संशय व्यक्त केला जात आहे. मात्र तपासणीदरम्यान जपानी एन्सेफेलायटिस (Japanese Encephalitis) आणि चांदीपूरा व्हायरस (Chandipura Virus) यांसारख्या चाचण्यांचे अहवाल निगेटिव्ह आले आहेत. त्यामुळे नेमकं कोणता विषाणू या मृत्यूंना कारणीभूत आहे, हे अजूनही स्पष्ट झालेलं नाही.
‘एनआयव्ही’ अहवालाची प्रतीक्षा
या प्रकरणातील काही बालकांचे रक्त व इतर नमुने पुण्यातील राष्ट्रीय विषाणू प्रयोगशाळेकडे (National Institute of Virology – NIV Pune) तपासणीसाठी पाठवण्यात आले आहेत. मात्र, या अहवालांबाबत अद्याप अधिकृत माहिती आलेली नाही. त्यामुळे नागरिक आणि आरोग्य विभाग दोघेही चिंतेत आहेत. अहवाल आल्यानंतरच आजाराचं नेमकं कारण स्पष्ट होईल, अशी अपेक्षा व्यक्त केली जात आहे.
14 बालक अजूनही रुग्णालयात दाखल
सध्या नागपूरमधील विविध रुग्णालयांत अशा लक्षणांची 14 बालकं उपचार घेत आहेत. मात्र त्यांची प्रकृती स्थिर असल्याचं आरोग्य प्रशासनानं स्पष्ट केलं आहे. तरीही मृत्यूमागचं गूढ कायम असल्यामुळे पालकांमध्ये भीतीचे वातावरण आहे.
छिंदवाडा भागात सिरप पुरवठ्याची चौकशी
दरम्यान, मध्यप्रदेशातील छिंदवाडा (Chhindwara) भागात काही ठिकाणी स्थानिक खोकल्याच्या सिरपमुळे ही समस्या निर्माण झाली का, याची चौकशी सुरू आहे. या सिरपचा नमुना तपासणीसाठी तामिळनाडूतील (Tamil Nadu) प्रयोगशाळेत पाठवण्यात आला असून, अहवालानुसार कोल्ड्रिंक सिरपवर बंदी घालण्यात आली आहे. यासंदर्भात जबलपूर (Jabalpur) येथील विक्रेते आणि छिंदवाडा पुरवठादारांचीही चौकशी केली जात आहे.
आरोग्य विभाग सतर्क
राज्यभरातील आरोग्य अधिकारी या घटनेवर बारकाईने लक्ष ठेवून आहेत. मुलांमध्ये ताप, उलटी, झटके किंवा बेशुद्धपणा अशी लक्षणं दिसल्यास तातडीने डॉक्टरांचा सल्ला घेण्याचं आवाहन प्रशासनाने केलं आहे.
