Homeताज्या बातम्याकोरोनाच्या वाढत्या प्रादूर्भावामुळे मोदी सरकारने घेतला ‘हा’ मोठा निर्णय; नवीन नियमावली जाहीर

कोरोनाच्या वाढत्या प्रादूर्भावामुळे मोदी सरकारने घेतला ‘हा’ मोठा निर्णय; नवीन नियमावली जाहीर

देशभरात पुन्हा एकदा कोरोनाने थैमान घातले आहे. दिवसेंदिवस कोरोना रुग्णांची संख्या वाढत असल्यामुळे भितीचे वातावरण निर्माण झाले आहे. राजधानी दिल्लीत ओमिक्रॉनचे रुग्ण वाढताना दिसून येत आहे. त्यामुळे मंगळवारी दिल्ली आपत्ती व्यवस्थापन प्राधिकरणाच्या बैठकीत अनेक महत्त्वपूर्ण निर्णय घेण्यात आले आहे.

कोरोनाच्या प्रकरणांमध्ये होणारी वाढ पाहता, केंद्र सरकारने सरकारी कर्मचाऱ्यांसाठी नवीन मार्गदर्शक तत्त्वेही जारी केली आहेत. केंद्र सरकारच्या सर्व विभागांना जारी करण्यात आलेल्या आदेशात अनेक गोष्टींचा उल्लेख करण्यात आला आहे.

कार्यालयांच्या वेळेपासून ते कार्यालयांमध्ये नियमित स्वच्छता राखण्यापर्यंत सरकारने जारी केलेल्या नवीन मार्गदर्शक तत्त्वांचा उल्लेख करण्यात आला आहे. अशाच १० नवीन गाईडलाईन्सबद्दल आपण जाणून घेणार आहोत.

१.सरकारच्या पुढील आदेशापर्यंत ५० टक्के कर्मचारी घरून काम करू करतील.
२. कोविड कंटेनमेंट झोनमध्ये राहणाऱ्या कर्मचाऱ्यांना कार्यालयात येण्याची गरज नाही.
३.शासकीय कार्यालयांच्या वेळा सकाळी ९ ते सायंकाळी ५.३० आणि सकाळी १० ते ६.३० या वेळेत विभागण्यात आल्या आहेत.
४. दिव्यांग आणि गर्भवती महिला कर्मचाऱ्यांना घरून काम करण्याची परवानगी देण्यात आली आहे.
५. सचिव आणि त्यावरील अधिकाऱ्यांना नियमित यावे लागेल.
६. नवीन मार्गदर्शक तत्त्वांनुसार आता केंद्रातील सर्व विभागांना त्यांचे रोस्टर तयार करावे लागणार आहे.
७. व्हिडीओ कॉन्फरन्सद्वारे वेगवेगळ्या मिटींग घेण्यात याव्या.
८. कार्यालयांमध्ये नियमित स्वच्छतेची विशेष काळजी घ्यावी लागणार आहे. कार्यालय आणि तेथे ठेवलेल्या वस्तूंचे वेळोवेळी स्वच्छता करणे आवश्यक आहे.
९. कार्यालयातील कॉरिडॉर, कॅन्टीन इत्यादी ठिकाणी गर्दी जमवने रोखावे लागेल.
१०. वारंवार हात धुणे, मास्क लावणे, एकमेकांपासून अंतर ठेवणे या महत्त्वाच्या गोष्टी वेळोवेळी पाळाव्यात.

महत्वाच्या बातम्या-
सिंधूताईंच्या निधनाने पंतप्रधान मोदींना अतिव दुख:; पहा श्रद्धांजली वाहताना काय म्हणाले.
पोलिसांनी वेळीच बंदोबस्त करावा, अन्यथा.. जितेंद्र आव्हाडांच्या वक्तव्याने खळबळ
..तेव्हा राष्ट्रपती रामनाथ कोविंदही माईंना पाहून खुर्चीवरून उठले होते, पुन्हा व्हायरल होतोय तो व्हिडीओ

ताज्या बातम्या