रेखा जरे ह.त्या प्रकरणात धक्कादायक खुलासा; ज्येष्ठ पत्रकारानेच दिली सुपारी!

मुंबई | यशस्विनी महिला ब्रिगेडच्या अध्यक्षा आणि राष्ट्रवादी कॉंग्रेसच्या कार्यकर्त्या रेखा जरे यांची भर रस्त्यात हत्या झाली. यामुळे अहमदनगरमध्ये खळबळ उडाली होती. रेखा जरे यांच्या हत्येप्रकरणी तिघांना अटक करण्यात आली आहे. आता सुपारी देऊनच ही हत्या घडवून आणल्याची माहिती समोर आली आहे.

रेखा जरे यांची हत्या करण्याची सुपारी ज्येष्ठ पत्रकार बाळ ज. बोठे यांनी दिली असल्याची माहिती पोलिस अधीक्षक मनोज पाटील यांनी पत्रकार परिषदेत दिली. ज्येष्ठ पत्रकार बाळ बोठे आणि सागर भिंगारदिवे या दोघांनी मिळून जरे यांना मारण्याची सुपारी दिली होती.

दरम्यान, आरोपी ज्येष्ठ पत्रकार बाळ ज. बोठे आणि सागर भिंगारदिवे या दोघांनी आरोपी आदित्य चोळके यास सुपारी दिली. त्यानंतर चोळके याने फिरोज शेख आणि ज्ञानेश्‍वर शिंदे यांना ही सुपारी दिली. याचबरोबर सुपारीमधील ६ लाख २० हजार रुपयांची रक्कम जप्त करण्यात आल्याचेही पोलीस अधीक्षक पाटील यांनी सांगितले.

एका आरोपीच्या मदतीने सुपारी देऊन बोठे यांनीच ही हत्या घडवून आणल्याचे तपासात निष्पन्न झाल्याची माहिती जिल्हा पोलीस अधीक्षक मनोज पाटील यांनी दिली. बोठे फरारी असून अटकेसाठी पथके रवाना करण्यात आली आहेत. घराची झडती घेतली असून, काही वस्तू जप्त करण्यात आल्याचेही पाटील यांनी सांगितले

काय आहे प्रकरण…
अहमदनगर जिल्ह्यातल्या यशस्विनी महिला ब्रिगेडच्या अध्यक्षा रेखा जरे यांची ३० नोव्हेंबर रोजी निर्घृण हत्या करण्यात आली होती. पारनेर तालुक्यातील जातेगाव इथल्या घाटात हल्लेखोरांनी रेखा जरे यांच्यावर धारदार शस्त्राने वार करुन त्यांची हत्या केली होती.

घटनेची गंभीरता पाहता पोलिसांनी तातडीने या प्रकरणाच्या तपासासाठी पाच पथकांची नियुक्ती केली आहे. रेखा जरे यांच्या खून प्रकरणात महत्त्वाचे धागेदोरे पोलिसांच्या हाती लागले आहेत. आरोपींना पकडण्यासाठी पोलिसांची पथके रवाना झाली आहेत.

महत्त्वाच्या बातम्या
भाजपची झाली नाचक्की; भाजपचे आयटी सेल प्रमुखांचे ट्विट फेक
आता फक्त १२१ रुपये भरा आणि मुलीच्या लग्नाला मिळवा २७ लाख रुपये, जाणून घ्या..
अमिताभ बच्चनने केली त्यांच्या २८०० कोटी रुपयांच्या संपत्तीच्या वारसदाराची घोषणा