‘माझ्या वडिलांना सोडा’, नक्षलवादी हल्ल्यात बेपत्ता जवानाच्या मुलीची आर्त साद

मुंबई : छत्तीसगडमध्ये नक्षलवाद्यांसोबत शनिवारी झालेल्या धुमश्चक्रीत शहीद झालेल्या जवानांची संख्या आता २२ वर पोहोचली असून, केंद्रीय गृहमंत्री अमित शाह यांनी या प्रकरणाची गंभीर दखल घेतली आहे. सुकमा आणि बीजापूर जिल्ह्यांच्या सीमाभागात ज्या ठिकाणी जवानांवर हा हल्ला झाला त्या ठिकाणीची अमित शाह यांनी पाहणी केली.

या पार्श्वभूमीवर हृदय हेलावून टाकणारी घटना समोर आली आहे. या चकमकीनंतर बेपत्ता असलेल्या एका जवानाच्या मुलीने आपल्या वडिलांना आर्त साद घातली आहे. बेपत्ता कमांडोच्या निरागस लहान मुलीचा व्हिडिओ समोर आला आहे. डोळ्यातले अश्रू सावरत माझे वडील लवकर परत यावेत अशी विनंती करताना ती या व्हिडिओमध्ये दिसतेय.

शनिवारी छत्तीसगडच्या बीजापूरमध्ये झालेल्या नक्षलवादी हल्ल्यापासून कोब्रा कमांडो दलाचे जवान राकेश्वर सिंह मनहास बेपत्ता आहेत. बेपत्ता कमांडो आपल्या ताब्यात आहे, असा दावा नक्षलवाद्यांनी केला आहे. नक्षलवाद्यांनी सोमवारी दोन स्थानिक पत्रकारांना फोन करुन बेपत्ता कमांडो आपल्या ताब्यात असल्याचा दावा केला.

दरम्यान, मनहास यांच्या लहानग्या मुलीला वडिलांची खूप आठवण येत असून, ते घरी आले नाही, म्हणून तिला अक्षरशः रडू कोसळत आहे. या संदर्भातील एक व्हिडिओ समोर आला असून, वडिलांच्या आठवणीने लहानगी रडत असून, बाबा, तुम्ही लवकर घरी या, अशी आर्त साद घातल्याचे पाहायला मिळत आहे.

मुलीच्या या निरागस सादेमुळे आजूबाजूला असलेल्या उपस्थितांचे डोळेही नकळत पाणावले. तसेच जवान बेपत्ता झाल्याची माहिती मिळताच कुटुंबात भीतीचे वातावरण पसरले आहे. राकेश्वर सिंह मनहास यांच्या पत्नीने पंतप्रधान नरेंद्र मोदी आणि केंद्रीय गृहमंत्री अमित शाह यांच्याकडे पतीला सुरक्षित परत आणण्याची कळकळीची विनंती केल्याची माहिती मिळत आहे.

महत्त्वाच्या बातम्या 

तारक मेहता मालिकेतील अभिनेत्याला सोनसाखळी चोरी प्रकरणी अटक; चोरीचे कारण ऐकून धक्का बसेल

प्रशासकिय कामात राजकीय हस्तक्षेप होणार नाही; नव्या गृहमंत्र्यांनी पहिल्याच दिवशी दिलं आश्वासन!

अजब प्रेमकी गजब कहाणी! पोरगाच बनला बापाचा साडू, मावशीसोबत पळून जाऊन केले लग्न

Comments are closed, but trackbacks and pingbacks are open.