Team India : टी-२० विश्र्वचषक २०२२ मध्ये भारत आणि बांगलादेश यांच्यात खेळलेला सामना खूपच रोमांचक होता. या सामन्यात दोन्ही संघांनी चमकदार कामगिरी केली. यात टीम इंडियाने ५ धावांनी विजय मिळवला. भारताच्या या विजयानंतर ट्विटरवर सोशल मीडियावर ‘चीटिंग’ हा हॅशटॅग पुन्हा एकदा ट्रेंड होत आहे.
बांगलादेश आणि पाकिस्तान क्रिकेट संघाचे चाहते पुन्हा एकदा टीम इंडियावर फसवणूक केल्याचा आरोप करत आहेत. वास्तविक, टीम इंडियाने या सामन्यात २० षटकांची फलंदाजी केली होती, परंतु, बांगलादेशच्या डावात पावसामुळे हा सामना १६ षटकांचा करण्यात आला. त्यामुळे आता बांगलादेश आणि पाकिस्तान क्रिकेट संघांचे चाहते ओले मैदान असतानाही सामना पुन्हा सुरू करून पंचांनी टीम इंडियाची बाजू घेतल्याचा आरोप करत आहेत.
पावसामुळे भारत आणि बांगलादेश यांच्यातील सामना थांबवण्यात आला होता. त्यावेळी, बांगलादेशची ७ षटकांत ६६-० अशी धावसंख्या होती. लिटन दासने २६ चेंडूंत नाबाद ५९ धावा घेत भारताने २० षटकांत १८४/६ बनवल्याचा फायदा बांगलादेशने हिसकावून घेतला. मात्र, पावसानंतर भारतीय गोलंदाजांनी चमकदार कामगिरी करत विजयाची नोंद केली.
https://twitter.com/zafarktk162/status/1587793327038111744?s=20&t=sqFN99Du6femPjZjRMhbsg
या सामन्यानंतर बांगलादेश आणि पाकिस्तानच्या चाहत्यांनी सोशल मीडियावर आपली निराशा व्यक्त केली आहे. बांगलादेशच्या संघाला शेवटच्या ९ षटकात विजयासाठी ८५ धावांची गरज होती आणि संघाच्या १० विकेट्सही शिल्लक होत्या. पण १८ व्या षटकात लिटन दास धावबाद झाल्यानंतर हा सामना पूर्णपणे बदलला.
https://twitter.com/HassanTweets01/status/1587810147912630273?s=20&t=g0Jl51dJWyPL4Dq7cu8UoQ
टीम इंडियाकडून हार्दिक पांड्या आणि अर्शदीप सिंगने २-२ विकेट घेतल्या, तर मोहम्मद शमीने १ विकेट आपल्या नावावर केली. त्यांनी भारताला विजय मिळवून देण्यात मोठे योगदान दिले. परंतु, आता पाकिस्तान आणि बांगलादेशच्या चाहत्यांकडून भारतीय संघावर चीटिंग केल्याचा आरोप केला जात आहे.
महत्त्वाच्या बातम्या-
सूर्यकुमार यादव : पाकिस्तानचा माज सुर्याने उतरवला, रिवानला मागे बनतला टी २० क्रिकेट, १ नंबरचा नंबर
रोहित शर्मा : ‘बुमराहची पक्षही कमी टाकू’ देत नाही; अर्शदीपच्या वर रोहीत फिदा…
विराट कोहली : गौतम गंभीरने पुन्हा मारली पलटी, उत्कृष्ट केले हेराण व्यक्तित्व; म्हणाला, तो बाबर आणि स्मिथपेक्षा…
