खेळण्या बागडण्याच्या वयात एक लहान मुलगा माणूसपण हिरावून बसला आहे. दोन वर्षापेक्षा जास्त काळ एकाच खोलीत बंद असल्याने तो माणूस आहे हेच विसरून गेला होता. ही खळबळ जनक घटना पुण्याच्या कोंढवा परिसरातील कुष्णाई इमारतीमध्ये घडली आहे.
कोंढवा पोलिस स्टेशनचे वरिष्ठ पोलिस निरीक्षक सरदार पाटील यांनी दिलेल्या माहितीनुसार, चाईल्ड लाईनच्या संपर्कातून या संतापजनक घटनेचा प्रकार पोलिसांना माहिती झाला आहे. पोलिसांना हा प्रकार कळताच तात्काळ पोलिसांनी घटनास्थळी धाव देखील घेतली आहे.
पोलिसांना त्या घरात जाण देखील कठीण जात होतं. घराच्या आतमध्ये कुत्र्यांचा भूंकण्याचा खूप आवाज खूप येत होता. त्या घरात एक दोन नव्हे तर तब्बल 22 कुत्री होती. ही सर्व कुत्री फिरस्ती होती. त्या कुत्र्यानां कोणतीही नसबंदी झाली नव्हती किंवा त्यांना कोणतही इंजेक्शन देखील दिलं नव्हतं.
पोटच्या मुलाला एका खोलीत त्याच्याच आई वडिलांनी दोन वर्ष बंद केलं होतं. नुसतं बंदच केलं नाही तर सोबत 22 रानटी कुत्री सुद्धा ठेवली होती. कुत्र्यांमुळे घराच्या आतमध्ये घाणीचं साम्राज्य निर्माण झालं होतं. कुत्र्यांची विष्ठा ठिकठिकाणी पडली होती. संपूर्ण घरात दुर्गंधी देखील पसरली होती. या दुर्गंधीत आणि 22 कुत्र्यांसोबत एक 11 वर्षांचा चिमुकला दोन वर्षापेक्षा जास्त काळ राहत होता.
त्या मुलाची अवस्था पोलिसांना देखील पाहावली गेली नाही. मुलाची अवस्था अतिशय बिकट झाली होती. आहार नसल्याने शरीर क्षीण झाले होते. त्या मुलाची वागणूक एखाद्या प्राण्याप्रमाणे झाली होती. मुलाला पाहाताच पोलिसांनी आणि चाईल्ड लाइनने मिळून तात्काळ त्या लहान मुलाची सुटका केली. नंतर, मुलाला बालसुधार गृहात देखील पाठवण्यात आलं आहे.
लहान मुलाच्या आई वडिलांना पोलिसांनी तात्काळ अटक केली. स्थानिक लोकांकडून मिळालेल्या माहिती नुसार या लहान मुलाचे आई वडिल विचित्र असल्याची माहिती समोर आली आहे. पोलिसांनी मुलाच्या पालकांवर बाल संगोपन आणि संरक्षण कायद्या अंतर्गत गुन्हा दाखल करण्यात आला आहे.
दरम्यान, या सगळ्या प्रकरणात सर्वात धक्कादायक माहिती चाईल्ड लाइनने दिली आहे. हा लहान मुलगा अतिशय आक्रमक झाला असून तो अंगावर धावून देखील जायचा. धक्कादायक बाब म्हणजे त्या मुलाला शेजाऱ्यांनी कुत्र्यांप्रमाणे चार पायावर चालताना देखील पाहिलं आहे.
महत्वांच्या बातम्या:-
…पवारांनी पुन्हा पाठीत खंजीर खुपसला! महाविकास आघाडीत बिघाडी; राज्यात खळबळ
तेलही गेले, तूपही गेले हाती मात्र..; ६ कोटी पाहून पोलिसांची नियत फिरली अन्…
कुत्र्यासारखा भुंकतोय चिमुकला मुलगा; संपूर्ण घटना ऐकून काळजाचं पाणी होईल
