श्रीलंकेविरुद्धच्या तीन सामन्यांच्या टी-20 आणि एकदिवसीय मालिकेसाठी टीम इंडियाची घोषणा करण्यात आली आहे. निवडकर्त्यांनी टी-20 मालिकेसाठी ‘नवीन’ टीम इंडियाची घोषणा केली आहे. तीन सामन्यांच्या टी-20 मालिकेसाठी हार्दिक पांड्याकडे कर्णधारपद सोपवण्यात आले आहे.
त्याचबरोबर सूर्यकुमार यादव उपकर्णधार असेल. त्याचवेळी रोहित शर्मा वनडे मालिकेत पुनरागमन करेल. तो संघाची धुरा सांभाळणार आहे. भारत विरुद्ध श्रीलंका मालिकेची सुरुवात T20 सामन्याने होणार आहे. पहिला टी-२० सामना ३ जानेवारीला मुंबईत होणार आहे.
रोहित शर्मा, विराट कोहली आणि केएल राहुल यांचा टी-20 मालिकेसाठी नव्या टीम इंडियामध्ये समावेश करण्यात आलेला नाही. मात्र, राहुलच्या अनुपस्थितीचे कारण त्याचे अथिया शेट्टीसोबतचे लग्न असल्याचे मानले जात आहे. 2024 टी-20 विश्वचषक डोळ्यासमोर ठेवून विराट, राहुल आणि रोहित यांना या फॉरमॅटमध्ये निवडले जाणार नाही, असे संकेत आहेत.
त्याचबरोबर ऋषभ पंतला दोन्ही फॉरमॅटमधून वगळण्यात आले आहे. टी-20 आणि एकदिवसीय मालिकेसाठी इशान किशन भारताचा यष्टिरक्षक असेल. श्रेयस अय्यरचाही टी-२० संघात समावेश करण्यात आलेला नाही. न्यूझीलंड दौऱ्यावर तो टी-20 संघात होता.
गोलंदाजांमध्ये कुलदीप यादव आणि भुवनेश्वर कुमार यांनाही टी-20 संघातून वगळण्यात आले आहे. शिवम मावी आणि मुकेश कुमार हे नवे चेहरे असतील. नुकत्याच झालेल्या मिनी लिलावात शिवम मावी हा सर्वात महागडा अनकॅप्ड खेळाडू होता. त्याला गुजरात टायटन्सने 6 कोटी रुपयांना विकत घेतले.
त्याचबरोबर वेगवान गोलंदाज मुकेश कुमारलाही देशांतर्गत क्रिकेटमधील चमकदार कामगिरीचे बक्षीस मिळाले आहे. आयपीएल लिलावात मुकेशला दिल्ली कॅपिटल्सने 5.50 कोटी रुपयांना विकत घेतले. पहिल्याच हंगामात गुजरात टायटन्सचे आयपीएल विजेतेपद मिळविणाऱ्या हार्दिकला टी-20 विश्वचषकात इंग्लंडकडून उपांत्य फेरीत भारताचा पराभव झाल्यापासून रोहितची जागा घेण्याची सूचना केली जात होती.
रोहित अद्याप अंगठ्याच्या दुखापतीतून पूर्णपणे सावरलेला नाही. हा बदल कायमस्वरूपी आहे की फक्त एका मालिकेसाठी आहे हे बीसीसीआयच्या प्रकाशनात सांगण्यात आलेले नाही.
श्रीलंकेविरुद्धच्या टी-२० मालिकेसाठी भारतीय संघ: हार्दिक पंड्या (क), सूर्यकुमार यादव (वीसी), इशान किशन (विकेटकीपर), ऋतुराज गायकवाड, शुभमन गिल, दीपक हुडा, राहुल त्रिपाठी, संजू सॅमसन, वॉशिंग्टन सुंदर, युझवेंद्र चहल, अक्षर पटेल , अर्शदीप सिंग, हर्षल पटेल, उमरान मलिक, शिवम मावी, मुकेश कुमार.
महत्वाच्या बातम्या
pune : आईवडिलांना घरच्या बाहेर पाठवलं अन् मुलीचे कपडे काढत…; पुण्यात उद्योजकाचं धक्कादायक कृत्य
virat kohli : भारताला वर्ल्डकप जिंकवून देण्यासाठी विराटने घेतला मोठा निर्णय; BCCI ला सांगीतलं सुद्धा नाही
gautami patil : गौतमी पाटीलची लावणी कायमची बंद पडणार? पहिला कार्यक्रम झाला रद्द; जाणून घ्या नक्की काय घडलं