‘तीरा’च्या इंजक्शनसाठी सोळा कोटी रुपये जमले पण आता सरकारकडून हवीय ‘ही’ मदत

मुंबई | ‘तीरा’ नावातच एक वेगळेपण आहे. या  गोंडस चिमुकलीला असलेला आजारही दुर्मिळ आहे.  तीराला SMA Type 1 हा आजार असल्याचे निदान झाल आहे. या आजारवर भारतात औषध नाही. परंतु अमेरिकेत या आजारावर औषध आहे. त्यावरील इंजेक्शनसाठी तब्बल १६ कोटी रुपयांचा खर्च येणार होता. यासाठी मिहिर कामत आणि प्रियांका कामत या तीराच्या पालकांनी क्राऊड फंडिंगचा आधार घेण्याचे ठरवले. ते या उपक्रमात यशस्वी झाले आहेत.

सध्या तीराची प्रकृती पाहता तिला अमेरिकेत नेऊन उपचार करणे शक्य नाही. या आजारावर उपलब्ध असलेले इंजेक्शन भारतात आणण्याचा निर्णय वडिल मिहिर आणि आई प्रियांका यांनी घेतला. पण १६ कोटी रुपये एवढी मोठी रक्कम कशी जुळवायची हा प्रश्न त्यांच्या पुढे होता.

‘’उभ्या आयुष्यात आपण कधी १६ कोटी रुपये पाहिले नाहीत. परंतु आता सुरुवात केली पाहिजे असं ठरवलं. एका व्यक्तीला क्राऊड फंडिंव्दारे पैसे जमा करताना पाहून आपणदेखील असं करु शकतो असा विश्वास निर्माण झाला’’ असं मिहिर सांगतात.

त्यानंतर त्यांनी सोशल मीडियावर तीराला असलेल्या आजाराविषयी माहिती शेअर केली. तसेच त्यांनी फाईट्स एसएमए असं इन्स्टाग्राम आणि फेसबुक पेजही तयार केलं. यानंतर त्यांच्याकडे सर्व स्तरातून मदतीचे हाथ पुढे येऊ लागले. अनेक लोकांच्या मदतीने आणि कामत कुटुंबीयांच्या प्रयत्नांमुळे १६ कोटी रुपये जमवण्यात यश आले आहे.

आता हे इंजक्शन जीवन रक्षक औषधांच्या यादीत ठेवले गेले नसल्यास कुटुंबाला यावर कर भरायला लागू शकतो. जीएसटी एम्पोर्ट ड्यूटू भरावी लागल्यास ती ३५ टक्क्यांच्या जवळपास असेल. ती रक्कम साडेपाच कोटी इतकी होते. याबद्दल ‘आता सरकारनं आम्हाला काही सवलत दिली तर आमच्यासह आणखी काही कुटुंबांना मदत होईल’.  असं मिहिर कामत यांनी सांगितले आहे.

आता पुढील प्रक्रियेसाठी तीराच्या कुटुंबीयांना सरकारची मदत हवी आहे. लोकांच्या या भरघोस प्रतिसादानंतर सरकारनेही काही हालचाली करण्याची गरज आहे. राज्यातील ठाकरे आणि केंद्रातील मोदी सरकारने वेळीच लक्ष घालायला हवे. चांगल्या रिझल्टसाठी तीराला फेब्रुवारी महिन्याच्या अखेरपर्यंत इंजक्शन द्यावचं लागणार असल्याचे सांगितले जात आहे.

महत्वाच्या बातम्या-
सर्वसामान्यांसाठी लोकल कधी सुरू होणार; मध्य रेल्वेने दिली महत्वाची माहिती..
गडकिल्ले संवर्धनासाठी ठाकरे सरकारने तिजोरी उघडली; शिवनेरीसाठी दिला कोट्यावधींचा निधी
फक्त ‘या’ एकमेव कंपनीला आहे भारताचा तिरंगा झेंडा तयार करण्याचा अधिकार; जाणून घ्या…
मुंबईची लेडी सिंघम! १४ व्या वर्षी केले लग्न १८ व्या वर्षी बनली आई अन् अशी झाली आयपीएस

Comments are closed, but trackbacks and pingbacks are open.