Gold Price Today: आजचं सोन्याचं भाव पाहिलंत का? जरा थांबा, आधी समजून घ्या – २२ जुलै २०२५, मंगळवारच्या सकाळपासून बाजारात घडामोडी सुरू झाल्या. काही वेळ दरात थोडीशी घसरण दिसली खरी, पण मग काय? थेट उडी घेतली! सोनं पुन्हा महागलं आणि सामान्यांची चिंता वाढली. आधीच महागाईमुळे हैराण असलेल्या शेतकरी, मध्यमवर्गीय नागरिकांना आता दागदागिन्यांच्या खरेदीसाठी जास्त पैसे मोजावे लागणार आहेत.
सोनं पार एक लाखाच्या उंबरठ्यावर
२२ कॅरेट सोन्याचा १० ग्रॅमचा दर आज ९१,४०१ रुपये इतका नोंदवला गेला आहे, तर २४ कॅरेट सोन्याचा दर पोहोचला आहे तब्बल ९९,७१० रुपये प्रति १० ग्रॅमवर. चांदीही काही कमी नाही – दहा ग्रॅमसाठी १,१४८ रुपये, म्हणजेच एक किलो चांदीसाठी १,१४,८२० रुपये इतका दर आहे. हे दर बुलियन मार्केट (Bullion Market) तर्फे जाहीर करण्यात आले आहेत.
महाराष्ट्रातील प्रमुख शहरांतील दर
आज मुंबई (Mumbai), पुणे (Pune), नाशिक (Nashik) आणि नागपूर (Nagpur) यांसारख्या प्रमुख शहरांमध्ये खालीलप्रमाणे दर आहेत:
-
मुंबई: २४ कॅरेट – ₹९९,५३० / २२ कॅरेट – ₹९१,२३६
-
पुणे: २४ कॅरेट – ₹९९,५३० / २२ कॅरेट – ₹९१,२३६
-
नाशिक: २४ कॅरेट – ₹९९,५३० / २२ कॅरेट – ₹९१,२३६
-
नागपूर: २४ कॅरेट – ₹९९,५३० / २२ कॅरेट – ₹९१,२३६
या दरांमध्ये स्थानिक उत्पादन शुल्क, राज्य कर, आणि मेकिंग चार्जेसनुसार किंमतीत थोडा फरक पडू शकतो.
का वाढले दर?
गेल्या काही दिवसांपासून सकाळी दर कमी होतो आणि दिवसभरात मोठी वाढ दिसते. यामागे जागतिक बाजारातील चढ-उतार, डॉलरच्या तुलनेत रुपयाचे मूल्य, आणि स्थानिक मागणी हे मुख्य घटक आहेत. लग्नसराई किंवा सणासुदीच्या पार्श्वभूमीवरही दरात चढउतार दिसून येतात.
