बॉलिवूडचा डिस्को डान्सर मिथुन चक्रवर्तीच्या(Mithun Chakraborty) तब्येतीबाबत एक मोठे अपडेट समोर येत आहे. मिळालेल्या माहितीनुसार, अभिनेत्याला नुकतेच बंगळुरू येथील रुग्णालयात दाखल करण्यात आले होते. ही बातमी समोर येताच मिथुनचे चाहते नाराज झाले आहेत.(gemini-was-found-unconscious-in-a-hospital-bed)
हॉस्पिटलच्या बेडवर पडलेल्या अभिनेत्याचा फोटोही सोशल मीडियावर व्हायरल होत आहे. हा व्हायरल फोटो पाहून अभिनेत्याच्या प्रकृतीबाबत विविध अफवा उडू लागल्या आहेत. मीडियाशी संवाद साधताना अभिनेत्याचा मुलगा मिमोह चक्रवर्ती याने व्हायरल होत असलेल्या फोटोचे सत्य सांगितले आहे.
मिमोहने सांगितले की, मिथुनला किडनी स्टोनचा त्रास होता. त्यामुळे त्यांना रुग्णालयात दाखल करण्यात आले. व्हायरल झालेला हा फोटो रुग्णालयातीलच आहे, ज्यामध्ये तो बेशुद्ध अवस्थेत बेडवर पडलेला आहे. मात्र, आता त्यांची प्रकृती ठीक असून रुग्णालयातून डिस्चार्ज मिळाल्यानंतर ते घरीच विश्रांती घेत आहेत.
मिथुन चक्रवर्तीच्या तब्येतीचे अपडेट समोर आल्यानंतर आता त्यांच्या लाखो चाहत्यांनी सुटकेचा नि:श्वास सोडला आहे. सर्वजण अभिनेत्याला लवकरात लवकर बरे होण्यासाठी शुभेच्छा देत आहेत. भाजपचे राष्ट्रीय सचिव डॉ. अनुपम हाजरा यांनीही त्यांच्या सोशल मीडिया अकाउंटवर बॉलीवूड डिस्को डान्सर्सचे फोटो शेअर केले आहेत आणि त्यांच्या लवकरात लवकर बरे होण्यासाठी प्रार्थना केली आहे.
मिथुनच्या वर्कफ्रंटबद्दल सांगायचे तर, अभिनेता नुकताच ‘द काश्मीर फाइल्स’मध्ये दिसला होता. विवेक अग्निहोत्री दिग्दर्शित या चित्रपटात अनुपम खेर, दर्शन कुमार, पल्लवी जोशी, भाषा सुंबळी आणि चिन्मय मांडलेकर यांच्याही प्रमुख भूमिका होत्या.
महत्त्वाच्या बातम्या
धडाकेबाज खेळीनंतर ऋतुराज गायकवाडने धोनीबद्दल केले मोठे वक्तव्य; म्हणाला, धोनीच्या नेतृत्वाखाली खेळताना…
दोन वर्षांपूर्वीच राणादाने दिली होती अंजलीबाईंवरच्या प्रेमाची कबुली, साखरपुड्यानंतर ‘ती’ पोस्ट चर्चेत
…त्यामुळे त्याला सकृतदर्शनी बलात्कार म्हणता येणार नाही, न्यायालयाने गणेश नाईकांना दिला अटकपूर्व जामीन
…तोपर्यंत आंदोलन सुरूच राहणार, राज ठाकरे फुकले रणशिंग, भोंगा प्रकरण चिघळणार?
