जमीन मोजणे झाले सोपे; या पद्धतीने फक्त काही मिनिटांत मोजा आपली जमीन

बऱ्याच शेतकऱ्यांना किंवा इतर व्यावसायिक लोकांना जमिनमोजणी करताना खूप त्रासाला सामोरे जावे लागते. कारण आपल्याकडे वारसाने किंवा परंपरेने आलेल्या जमिनी ह्या कशाही असतात.

म्हणजे त्या आडव्या, उभ्या, तिरक्या कशाही पसरलेल्या असतात. या जमिनीवर काही काम करताना किंवा कसताना आपली आणि शेजाऱ्याची भांडणे होतात. कारण त्यालाही माहीत नसते की नक्की त्याची जमीन केवढी आहे. पण आता जमीन मोजणे खूप सोपे झाले आहे.

तंत्रज्ञानाच्या मदतीने एक सोपा पर्याय समोर आला आहे. आता जमीन मोजण्यासाठी ना फुटपट्टीची गरज आहे ना जमीन मोजणाऱ्यांची. कारण आता आता distance and area measurement नावाचे एक ऍप्लिकेशन जमिनीची मोजणी करणार आहे.

शेती आणि बांधकाम व्यावसायिकांसाठी हे ऍप्लिकेशन प्रचंड फायदेशीर ठरणार आहे. हे ऍप इन्स्टॉल करा आणि जीपीएस ऑन करा आपोआप जमीन मोजण्याचे काम ते अँप करेल.हे अँप उघडल्यानंतर त्यामध्ये अंतर हे फूट, यार्ड, मीटर, एकर असे काही पर्याय निवडावे लागतात.

शेतीची मोजणी करायची असेल तर एकर हा पर्याय निवडा. त्यानंतर खाली तुम्हाला स्टार्ट बटन दिसले त्याच्यावर क्लिक करा. मग स्वतःच्या जमिनीला एक फेरी मारा. तुमची जेवढी जमीन आहे तेवढ्याच जमिनीला तुम्हाला फेरी मारायची आहे.

फेरी पूर्ण झाल्यानंतर जमिनीचे माप तुम्हाला कळेल. या मोबाईल अँपद्वारे जमीन मोजण्याचा सर्वात मोठा फायदा म्हणजे तुम्हाला पैसे खर्च करण्याची गरज पडणार नाही.

Comments are closed, but trackbacks and pingbacks are open.