दिल्लीतील अनेक भागात पुन्हा एकदा अवैध अतिक्रमणांवर बुलडोझर फिरवण्याची तयारी सुरू आहे. हनुमान जयंतीला दिल्लीतील जहांगीरपुरी येथे झालेल्या हिंसाचारानंतर तेथील अवैध अतिक्रमण हटवण्याच्या कारवाईदरम्यान शाहीन बागसह अनेक भागात बुलडोझर दाखल होणार आहे.(encroachment-departments-crackdown-continues-in-delhi)
नागरिकत्व (दुरुस्ती) विधेयक 2019 (CAA) आणि राष्ट्रीय नागरिक नोंदणी (NRC) विरोधात झालेल्या आंदोलनामुळे दिल्लीतील शाहीन बाग चर्चेच्या झोतात आले होते. दक्षिण दिल्ली महानगरपालिकेचे (SDMC) महापौर मुकेश सूर्यन म्हणाले – शाहीन बाग, ओखला, टिळक नगर पश्चिमसह अनेक वॉर्ड चिन्हांकित केले गेले आहेत.
मदनपूर खादरमध्येही अतिक्रमण दिसून आले आहे. रस्त्यावर जे काही अतिक्रमण असेल ते काढले जाईल. ज्या ठिकाणी इमारत उभी आहे, त्या जागेचा आराखडा तयार करण्यात आला असून, तीही येत्या काळात हटविण्यात येणार आहे.
विभागाला तारखा दिल्या आहेत, महिनाभराचा आराखडा दिला आहे. अतिक्रमण काढण्यासाठी एमसीडी कायद्यांतर्गत प्रथम नोटीस दिली जात नाही, परंतु जिथे लोकांनी मोठी इमारत बांधली आहे, त्यावर कारवाई करणार असल्याची नोटीस तयार करण्यात आली आहे.
तत्पूर्वी, उत्तर दिल्लीचे महापौर राजा इक्बाल सिंह यांनीही सर्वोच्च न्यायालयाच्या आदेशाचे पालन करणार असल्याचे सांगितले आहे. न्यायालयाच्या आदेशानंतर कारवाई केली जाईल. मात्र, अतिक्रमणाविरोधातील कारवाई सुरूच राहणार असल्याचे त्यांनी स्पष्टपणे सांगितले.
२० एप्रिल रोजी सर्वोच्च न्यायालयाने जहांगीरपुरीतील अतिक्रमण हटवण्याच्या कारवाईला दोन आठवड्यांसाठी स्थगिती दिली होती. दिल्ली महानगरपालिकेच्या (एमसीडी) बुलडोझरच्या कारवाईविरोधात जमीयत उलेमा-ए-हिंद सर्वोच्च न्यायालयात याचिका दाखल केली होती.
अतिक्रमणाची ओळख पटवून नोटीस न देता ही कारवाई केल्याचे त्यात म्हटले आहे. सर्वोच्च न्यायालयाच्या न्यायमूर्ती एल नागेश्वर राव आणि न्यायमूर्ती बीआर गवई यांच्या दोन न्यायाधीशांच्या खंडपीठासमोर या प्रकरणाची सुनावणी झाली. सर्वोच्च न्यायालयाने देशभरात बंदी लावण्यास नकार दिला होता.
महत्त्वाच्या बातम्या
29 एप्रिलला टाटा करणार इलेक्ट्रिक धमाका, लॉन्च करणार ‘या’ दोन लोकप्रिय गाड्यांचे नवीन व्हर्जन
अंपायरशी भांडण्यापुर्वी आपआपसात भांडले होते दिल्लीचे खेळाडू, अखेर समोर आले ‘ते’ सत्य
देशातील पहिले असे गाव जिथे सर्व घरांमध्ये सौरउर्जेपासून बनवतात जेवण, पण हे कसं शक्य झालं?
PHOTO: चेहऱ्यावर सुरकुत्या, वाढलेली दाढी आणि उदास सनी देओल; चाहते म्हणाले, मोदींनी हाकललं काय?
