‘जीव गेला तरी बेहत्तर पण शरण जाणार नाही’, शेतकरी नेते राकेश टिकैत यांनी फोडली डरकाळी

नवी दिल्ली | भारतीय किसान संघटनेचे (बीकेयू) नेते राकेश टिकैत यांनी आत्मसमर्पण करण्यास नकार दिला आहे. ते म्हणाले की, जो गुन्हेगार नाही, तो आत्मसमर्पण करणार नाही. तसेच यापुढेही ‘शेतकरी आंदोलन सुरूच राहील’. असंही त्यांनी ठणकावले आहे.

शेतकरी नेते राकेश टिकैत यांनी शेतकऱ्यांचे आंदोलन सुरुच राहणार असल्याची घोषणा केली आहे. तसेच ‘बंदूकीच्या गोळ्या चालल्या तरी गोळ्या खाण्याची तयारी असेल पण आंदोलन स्थळ सोडणार नाही. धमकावून आंदोलन संपवल तर इथेच फासी घेईल’. तसेच जर काही चूकीचा प्रकार घडल्यास त्यासाठी पूर्णपणे जबाबदार पोलीस असतील असे त्यांनी म्हटले आहे.

लाल किल्ल्यावरील हिंसाचार कोणी केला याची सर्वोच्च न्यायालयाने केली पाहिजे.

राकेश टिकैत म्हणाले की,  आमची फसवणूक झालीय आम्हाला बदनाम करण्याचा प्रयत्न केला जात आहे. तिरंग्याचा अपमान चुकीचा आहे. या प्रकरणाची चौकशी सर्वोच्च न्यायालयाने केली पाहिजे. तसेच दीप सिंधु यांचा संबंध कोणाशी आहे याचीही चौकशी व्हायला हवी.

पोलिस टिकैतला अटक करू शकले नाहीत

दरम्यान, गाझीपूर सीमेवर उच्च पोलिस अधिकारी दाखल झाले होते. याठिकाणी मोठ्या संख्येने पोलीस कर्मचारी तैनात करण्यात आले आहेत. यूपी पोलिसांच्यानुसार टिकैत प्रशासनाचं ऐकत नाहीत. त्यामुळे त्यांना अटक केली जाऊ शकत नाही.

पुढे राकेश टिकैत म्हणाले, आमचे अन्न-पाणी बंद करण्यात आले आहे. जोपर्यंत गावातून पाणी येत नाही तोपर्यत आता मीही इथे अन्नपाण्याचा त्याग करतो आहे. त्यामुळे शेतकरी आंदोलनात पुढे काय घटनाक्रम घडतो हे पाहणे महत्वाचे असणार आहे. शेतकरी नेत्याच्या या भुमिकेनंतर आंदोलक आणि पोलीस प्रशासन आमने-सामने आले आहेत.

महत्वाच्या बातम्या-
शेतकरी आंदोलनात फूट! ट्रॅक्टर रॅलीतील हिंसाचारानंतर दोन शेतकरी नेत्यांनी घेतली माघार
‘जर आंदोलन चिरडले तर त्याचे परिणाम गंभीर होतील’; शरद पवारांचा मोदी सरकारला थेट इशारा
शेतकरी आंदोलकांनी ना तिरंगा हटवला, ना खलिस्तानी झेंडा फडकवला; व्हायरल मेसेज खोटा
लाल किल्ल्यावर ‘तो’ झेंडा फडकवणारा दीप सिंधु भाजपचा कार्यकर्ता? वाचा खरं काय…

Comments are closed, but trackbacks and pingbacks are open.