टीम इंडियाला बांगलादेशविरुद्धच्या दुसऱ्या एकदिवसीय सामन्यात 5 धावांनी पराभवाला सामोरे जावे लागले असले तरी या सामन्यात दुखापतग्रस्त भारतीय कर्णधार रोहित शर्माने आपल्या फलंदाजीने सर्वांची मने जिंकली. ९व्या क्रमांकावर फलंदाजीला येताना त्याने प्रतिस्पर्धी संघाचा श्वास रोखून धरला.
एकेकाळी बांगलादेशच्या हातून विजय बाहेर पडताना दिसत होता, पण रोहित शर्माला शेवटच्या चेंडूवर मोठा फटका मारता आला नाही आणि टीम इंडियाला हा सामना 5 धावांनी गमवावा लागला. बांगलादेश संघाची फलंदाजी सुरू असताना डावाच्या दुसऱ्याच षटकात रोहित शर्माला दुखापत झाली.
त्यानंतर मोहम्मद सिराजच्या चेंडूवर झेल घेताना त्याच्या अंगठ्याला दुखापत झाली. यानंतर तो मैदानाबाहेर गेला आणि हॉस्पिटलमध्ये त्याचे स्कॅन करून घेतले, पण टीम इंडियाला अडचणीत पाहून तो फलंदाजीसाठी मैदानात उतरला आणि त्याने आपल्या फलंदाजीने सर्वांची मनं जिंकली.
जेव्हा भारतीय कर्णधार रोहित शर्मा फलंदाजीला आला. त्यानंतर टीम इंडियाला विजयासाठी 42 चेंडूत 64 धावांची गरज होती. रोहितने मैदानात येताच धावांचा पाऊस पाडला. तो मैदानाच्या चारही बाजूंनी शॉट मारत होता. त्याची फलंदाजी पाहून विरोधी गोलंदाजाच्या अंगावर काटा आणला.
रोहित शर्माने अवघ्या 28 चेंडूंत 3 चौकार आणि 5 लांब षटकारांसह 51 धावा केल्या. टीम इंडियाला शेवटच्या दोन चेंडूत 2 षटकारांची गरज होती, पण रोहितला फक्त एकच षटकार मारता आला. रोहित शर्माच्या अंगठ्याला दुखापत झाली होती. त्याच्या हाताला टाके लागले होते, पण टीम इंडियाला बिकट परिस्थितीत पाहून तो थांबला नाही.
मैदानात येताच धडाकेबाज फलंदाजी केली. त्याचा विश्वास, धाडस आणि फलंदाजी सर्वच आश्चर्यकारक होते. मुस्तफिजुर रहमानच्या शेवटच्या चेंडूवर त्याला षटकार मारता आला नाही, पण त्याने आपल्या धाडसाने सर्वांची मने जिंकली.
महत्वाच्या बातम्या
गुजरातमध्ये भाजपने रेकॉर्ड तोडला, ऐतिहासिक विजयाचे संकेत; काँग्रेसचा सुपडा साफ
ठाकरेंचे एकाच दगडात तीन निशाणे, शेट्टी मानेंसह वंचितलाही दिला दणका; लाखो मते घेतलेला नेता फोडला
Deepali Sayyed : शिंदेंचे दीपाली सय्यदांवर गंभीर आरोप; म्हणाले, दीपाली सय्यद आणि भगतसिंग कोश्यारींमध्ये…