रात्री मला भेटायला बोलवून…; लेडी सिंघम दिपाली चव्हाण यांच्या सुसाईड नोटमधून धक्कादायक खुलासे

अमरावती | अमरावती जिल्ह्यातील मेळघाट व्याघ्र प्रकरल्पाच्या वनपरिक्षेत्र अधिकारी दिपाली चव्हाण यांनी स्वत:वर गोळी झाडून आत्महत्या केली. चव्हाण यांच्या जवळ पोलिसांना सुसाईट नोट मिळाली असून त्यातून धक्कादायक माहिती समोर आली आहे.

दिपाली चव्हाण यांनी उप वन संरक्षक विनोद शिवकुमार यांच्या जाचाला कंटाळून  आत्महत्या केली असल्याची माहिती उघड झाली आहे. सुसाईटनोटमध्ये विभागीय वन अधिकारी विनोद शिवकुमार यांनी मानसिक त्रास दिल्याचा गंभीर आरोप केला आहे. यासंदर्भात मेळघाट व्याघ्र प्रकल्पाचे संचालक रेड्डी यांच्या नावाने दिपाली चव्हाण यांनी पत्र लिहिले आहे.

कामाच्या बाबतीत काहीही खटकले तर शिवकुमार आपल्याला निलंबित आणि चार्जशीट करण्याची धमकी द्यायचे. अक्टोंबर २०२० मध्ये प्रेग्नेसीमुळे मी ट्रेक करू शकले नव्हते तर मला सलग तिन दिवस कच्च्या रस्त्यावरून फिरवलं. त्यात माझा गर्भपात झाला. पण तरीही मला सुट्टी दिली नाही.

नोकरी परिवारासाठीच करतो. पण इथे राहून परिवारासोबत एक दिवस घालवता येत नाही. शिवकुमार हे रात्री कुठेही भेटायला बोलवतात. अश्लील भाषेत बोलतात. याबाबत आधी तक्रार केली होती, असे दिपाली चव्हाण यांनी पत्रात म्हटले आहे.

याशिवाय, शिवकुमार समोर शिविगाळ करतात. मला सहन होत नाही. कित्येक वेळा रात्री त्यांनी संकुलला बोलावले. आणि माझ्या एकटेपणाचा फायदा घेण्याचा प्रयत्न केला. त्यांच्या मर्जीने न वागल्यास शिवकुमार सर मला शिक्षा देत आहेत. इतकं लिहून देखील तुम्ही त्यांच काही बिघडवू शकणार नाही. कारण तुमचाच त्यांच्या डोक्यावर हात आहे.

माझे रोखलेले वेतन तत्काळ काढून द्यावे. माझ्यामृत्यूनंतरचे सर्व आर्थिक लाभ माझ्या आईला द्यावेत. शिवकुमार यांच्या बाबतच्या अनेक तक्रारी आहेत त्यांना कधी तरी गांभीर्यांने घ्या. कारण त्या व्यक्तीमुळे तुमचे नाव खराब होत आहे. स्टाफसोबत त्यांचे वागणे खूप वाईट आहे.

तसेच पुढे त्या लिहितात, तुम्ही सीसीटीव्ही कॅमेरे चेक करा. ते खूप घाण शिव्या देतात. फिल्डवर खूप त्रास देतात. माझ्या आत्महत्येला उपवनसंरक्षक विनोद शिवकुमार सर्वस्वी जबाबदार आहेत.

शिवकुमार यांच्यावर कारवाई कराल हीच शेवटची इच्छा आहे. जे माझ्यासोबत झालं ते यापुढे कोणासोबत होऊ नये. असा आशय असलेली मनाला सुन्न करणारी सुसाईट नोट दिपाली चव्हाण यांच्या आत्महत्येनंतर समोर आली आहे.

महत्वाच्या बातम्या-
ज्येष्ठ गायिका आशा भोसले यांना महाराष्ट्र भूषण पुरस्कार जाहीर
दूध का दूध और पाणी का पाणी होऊनच जाऊदे! आता अनिल देशमुखांनीही घेतला आक्रमक पवित्रा
संजय राऊत तुम्ही काय शरद पवारांचे प्रवक्ते आहात का? नाना पटोलेंनी राऊतांना झापले

 

Comments are closed, but trackbacks and pingbacks are open.