धक्कादायक! कर्जाला कंटाळून मुलीला मारले, नंतर आईवडिलांनी संपवले जीवन

अहमदनगर । अहमदनगर जिल्ह्यात एक धक्कादायक घटना घडली आहे. येथे कर्जाला कंटाळून व्यापारी कुटुंबाने मुलीचा खून करून स्वतः आत्महत्या करून जीवन संपविले. केडगावमध्ये ही घटना उघडकीस आली आहे. यामुळे जिल्ह्यात एकच खळबळ उडाली आहे. लहान मुलीचा यामध्ये समावेश आहे.

संदीप यांचे नगर-दौंड महामार्गावर औषधाचे दुकान होते. त्यांचे २००८ किरण हिच्यासोबत लग्न झाले होते. त्यांना मैथिली ही मुलगी होती. सगळे काही सुरळीत सुरू असताना मात्र त्यांनी आत्महत्या करण्याचा निर्णय घेतला. त्यांनी एका कंपनीची जिल्ह्याची एजन्सी घेतली होती.

ते जिल्ह्यातील किराणा दुकानांना साहित्य पोहच करत होते. मात्र कोरोना काळात त्यांच्यावर आर्थिक संकट आले. लॉकडाऊनमध्ये त्यांचा व्यवसाय ठप्प झाला होता. यामुळे ते तणावात होते. भाड्याच्या घरात ते राहत होते. त्यांनी नातेवाईक, मित्र परिवाराला फोन केले. आणि हा धक्कादायक निर्णय घेतला.

त्यांनी मुलगी मैथिली हिला फाशी देऊन मारले. त्यानंतर संजय आणि किरण या दाम्पत्याने गळफास घेऊन आत्महत्या केली. यामुळे एकच खळबळ उडाली आहे. पोलीस याबाबत अजून तपास करत आहेत. यामागे अजून काय कारण आहे का, याचा तपास पोलिस करत आहेत.

दार न उघडल्याने खिडकीतून आत बघितले असता त्यांचे मृतदेह दिसून आले. शेजारील रहिवाशांनी ही माहिती पोलिसांना दिली. शहर विभागाचे पोलिस उपअधीक्षक विशाल ढुमे, कोतवालीचे पोलिस निरीक्षक राकेश माणगावकर हे घटनास्थळी आले. कर्जाला कंटाळून त्यांनी हे कृत्य केले असल्याचे त्यांनी लिहिलेल्या चिठ्ठीत आढळून आले आहे.

ताज्या बातम्या

अधिकाऱ्यांनी अचानक दिली शाळेला भेट; पण विद्यार्थ्यांच्या उत्तरावर खुश होत दिले अनोखे बक्षीस

टीम इंडियाने रचला इतिहास: ओवल टेस्ट मध्ये कॅप्टन कोहली, बुमराह आणि शार्दुलने बनवला विक्रमी रेकॉर्ड

आईकडूनच घेतला अभिनयाचा धडा! ‘मन उडू उडू झालं’ मालिकेतील शलाका आहे ‘या’ प्रसिद्ध अभिनेत्रीची मुलगी..

Comments are closed, but trackbacks and pingbacks are open.