दाभोळकर आणि पानसरेंच्या प्रकरणावरून हायकोर्टाने तपास यंत्रणांना खडसावले, म्हणाले…

मुंबई | अंधश्रध्दा निर्मूलन समितीचे अध्यक्ष डॉ. नरेंद्र दाभोळकर यांची पुण्यातील महर्षी शिंदे पुलावर २०१३ मध्ये गोळ्या घालून हत्या करण्यात आली होती. त्यांच्या हत्येनंतर कॉम्रेड गोविंद पानसरे यांची कोल्हापूरमध्ये २०१५ मध्ये हत्या झाली होती. या प्रकरणाचा तपास करत असणाऱ्या तपास यंत्रणांना हायकोर्टाने खडेबोल सूनावले आहेत.

उच्च न्यायालयाने प्रकरणाचा तपास करणाऱ्या एसआयटी आणि सीबीआयला आणखी किती वर्ष तपास करणार? असा सवाल विचारत तपासावर नाराजी व्यक्त केली आहे. दाभोळकर यांच्या हत्येला आठ वर्ष, तर पानसरे यांच्या हत्येला सहा वर्षे झाली आहेत.

राज्यातील तपास यंत्रणा काय करत आहे?, दाभोळकर, पानसरे यांच्या हत्येचा तपास अजून किती दिवस चालणार? असा सवाल न्यायमूर्ती शिंदे आणि पितळ यांनी केला आहे. येत्या ३० मार्चला होणाऱ्या सूनावणीमध्ये आतापर्यंत झालेल्या तपासाचा अहवाल सादर करावा. असा आदेश उच्च न्यायालयाने दिला आहे.

नरेंद्र दाभोळकर यांनी अंधश्रध्दा निर्मूलन समितीची स्थापना केली होती. समितीमार्फत ते समाजातील अंधश्रध्दा दूर करत. त्याबद्दल लोकांना ते जागरूक करत होते.  मॉर्निंग वॉकला गेल्यावर दूचाकीवरून आलेल्या मारेकऱ्यांनी त्यांची हत्या केली होती. दाभोळकर यांचा मुलगा डॉ. हमीद दाभोळकर यांनी दाभोळकरांच्या जीवनावर एक पुस्तक लिहिले आहे.

गोविंद पानसरे हे एक मोठे लेखक होते. त्यांनी अनेक पुस्तके लिहिली आहेत.  समाजातील कष्टकऱ्यांच्या पाठीशी उभे राहून त्यांचे प्रश्न पानसरे यांनी सोडवले आहेत. पानसरे आणि त्यांच्या पत्नी उमा पानसरे यांच्यावर गोळ्या झाडण्यात आल्या होत्या. यामध्ये गोविंद पानसरे यांचा मृत्यू झाला होता.
महत्वाच्या बातम्या-
बाळासाहेब ठाकरेंच्या ४०० कोटींच्या स्मारकाऐवजी रूग्णालय उभारा – इम्तियाज जलील
‘द डर्टी पिक्चर’ बघितल्यानंतर विद्या बालनच्या आई वडीलांनी दिली होती ‘अशी’ प्रतिक्रिया
मोठी बातमी! राज्यातील ‘या’ जिल्ह्यात कडक लॉकडाऊन जाहीर

 

 

 

 

Comments are closed, but trackbacks and pingbacks are open.