Corporate Job Pressure in Mumbai: मुंबई (Mumbai city) मध्ये मुसळधार पाऊस सुरू असतानाही मुंबईकरांचा कामाविषयी असलेला उत्साह किंवा “स्पिरीट” अनेकदा कौतुकाचा विषय बनतो. पण खरी गोष्ट ही आहे की, हा उत्साह नसून ही मुंबईकरांची मजबूरी आहे. नोकरी गमावण्याची भीती आणि बॉसच्या आदेशामुळे अनेकांना घड्याळाच्या काटावर पावसातही ऑफिसला पोहोचावे लागते. अलीकडेच याची प्रचिती देणारा एक व्हिडीओ समोर आला आहे.

कारण काय होतं?

मुंबईत (Mumbai city) गेल्या तीन दिवसांपासून प्रचंड पाऊस पडत आहे. रस्त्यावर पाणी तुंबले आहे, बस-ट्रेन मंद गतीने चालत आहेत. मुंबई महानगरपालिकेने (Mumbai Municipal Corporation) रेड अलर्ट जारी केला असून नागरिकांना शक्यतो घराबाहेर पडू नका असे आवाहन केले आहे.

या परिस्थितीतही तरुण ऑफिसला निघाला. त्याची आई (Mother) त्याला तब्बल २१ कॉल करून थांबवण्याचा प्रयत्न करत होती. ती म्हणाली की, “रस्त्यावर पाणी भरलंय, बाहेर जाऊ नकोस.” पण बॉस (Boss) यांनी त्याला १७ कॉल करून धमकी दिली, “ऑफिसला न आल्यास नोकरीवरून काढून टाकेन.” या धमकीमुळे तरुणाला ऑफिसला जावेच लागले, अगदी मुसळधार पावसात गुडघाभर पाण्यातून वाट काढत.

व्हिडीओ व्हायरल

हा व्हिडीओ @rose_k01 या एक्स अकाउंटवरून सोशल मीडियावर शेअर करण्यात आला असून आतापर्यंत ३९ हजारांहून अधिक लोकांनी पाहिला आहे. अनेकांनी त्यावर प्रतिक्रिया दिल्या आहेत. काही लोक म्हणतात, “हा तरुण आता बेस्ट कर्मचाऱ्याचा पुरस्कार मिळवेल,” तर काही म्हणतात, “कॉर्पोरेटमध्ये माणुसकीची अपेक्षा करू नका.”