पाच राज्यांच्या विधानसभेच्या निवडणुकांचे निकाल आज लागणार आहेत. या निवडणुकांचे निकाल हाती येऊ लागले आहेत. गोवा राज्यात भाजप(BJP) आघाडीवर असून काँग्रेसला(Congress) पिछाडीवर पडलं आहे. त्यामुळे गोव्यात भाजपचीच सत्ता येणार हे जवळपास निश्चित झालं आहे. त्यामुळे गोव्यात काँग्रेसला मोठा धक्का बसला आहे.(BJP in power again in Goa)
गोव्यात विधानसभेच्या ४० जागांसाठी मतदान झाले होते. ४० जागांपैकी सर्व जागांचे कल आले असून भाजप २१ जागांवर आघाडीवर आहे. तर काँग्रेस १२ जागांवर पुढे आहे. इतर पक्षांचे उमेदवार ४ जागांवर आघाडीवर आहेत. गोव्यात बहुमतासाठी २१ जागांची गरज आहे. त्यामुळे भाजपसाठी ही आशादायक बातमी आहे.
निवडणुकीच्या आधीच दिवंगत मुख्यमंत्री मनोहर पर्रीकर यांचे पुत्र उत्पल पर्रीकर यांनी बंड केलं होतं. तसेच भाजपच्या आणखी बड्या नेत्यांनी गोव्यामध्ये बंड केलं होते. पण त्याचा फटका भाजपाला बसला नसल्याचे या निकालांवरून दिसत आहे. यंदा गोवा विधानसभेच्या ४० जागांसाठी ३०१ उमेदवारांनी भवितव्य आजमावलं होतं.
गोव्याच्या निवडणुकांची जबाबदारी भाजपने महाराष्ट्राचे विधानसभेचे विरोधी पक्षनेते देवेंद्र फडणवीस यांच्यावर सोपविली होती. या निवडणुकांमध्ये गोवा निवडणूक प्रभारी म्हणून दिमाखदार कामगिरी केली आहे. या निकालांमुळे त्यांचे कौतुक होत आहे. गोव्यात भाजप, काँग्रेस ,आप आणि टीएमसी या राजकीय पक्षांनी मतदार उभे केले होते.
तसेच यंदा शिवसेना देखील गोवा विधानसभा निवडणुकीच्या रिंगणात उतरली होती. त्यामुळे गोव्यात काँटे की टक्कर बघायला मिळाली होती. पण हाती आलेल्या निकालांवरून गोव्यात भाजप पक्षाने आघाडी मिळवली आहे. त्यामुळे गोव्यात भाजपची सत्ता येणार हे जवळपास निश्चित झाले आहे. त्यामुळे काँग्रेसला मोठा धक्का बसला आहे.
एक्झिट पोलनुसार, गोव्यात कोणत्याही एक पक्षाला बहुमत मिळणार नाही, अशी शक्यता वर्तवण्यात आली होती. मात्र भाजपला सर्वाधिक जागा मिळतील. तसेच इतर पक्षांमध्ये काँग्रेस दुसऱ्या तर आप तिसऱ्या क्रमांकावर असेल, असा अंदाज वर्तविण्यात आला होता. हा अंदाज खरा ठरताना दिसत आहे. सध्या मतमोजणीला सुरुवात झाली असून लवकरच चित्र स्पष्ट होईल.
गोव्याचे मुख्यमंत्री असलेले प्रमोद सावंत सध्या पिछाडीवर आहेत. त्यामुळे प्रमोद सावंत यांना मोठा धक्का बसला आहे. भाजपचे मॉन्सेरा हे आघाडीवर असून दिवंगत मुख्यमंत्री मनोहर पर्रीकर यांचे पुत्र उत्पल पर्रीकर पिछाडीवर पडले आहेत. तसेच भाजपचे बंडखोर उमेदवार लक्ष्मीकांत पार्सेकर सध्या आघाडीवर आहेत.
महत्वाच्या बातम्या :-
पंजाबमध्ये सोनू सूदची बहिण मालविका सूद पिछाडीवर; काँग्रेसकडून लढवली होती निवडणूक
भाजप की सपा येणार सत्तेत? शेतकऱ्यांनी लावली एक एकर जमिनीची पैज; गाव झाला साक्षीदार
पंजाबमध्ये आपची बल्ले बल्ले, सत्ता स्थापनेकडे आगेकूच; काँग्रेसला जबर धक्का
