गोव्यातून(Goa) एक मोठी बातमी समोर आली आहे. गोव्याचे मुख्यमंत्री असलेले प्रमोद सावंत सध्या पिछाडीवर आहेत. त्यामुळे गोव्यात भाजपाला मोठा धक्का बसला आहे. गोवा राज्यातील विधानसभा निवडणुकांचे निकाल हाती येऊ लागले आहेत. गोवा राज्यात भाजप पिछाडीवर पडले असून काँग्रेसला बहुमत मिळताना दिसत आहे.(big news goa chief minister pramod sawant on the back)
इतर चार राज्यांमध्ये भाजप आघाडीवर असून काँग्रेस पिछाडीवर पडले आहे. पण गोव्यात इतर राज्यांपेक्षा वेगळी परिस्थिती दिसत आहे. गोव्यात काँग्रेस आघाडीवर आहे. गोव्यात विधानसभेच्या ४० जागांसाठी मतदान झाले होते. ४० जागांपैकी सर्व जागांचे कल आले असून काँग्रेस २० जागांवर आघाडीवर आहे. तर भाजप १६ जागांवर पुढे आहे.
गोव्यात टीएमसी आघाडी ४ जागांवर आघाडीवर आहे. गोव्यात बहुमतासाठी २१ जागांची गरज आहे. त्यामुळे काँग्रेससाठी ही आशादायक बातमी आहे. गोव्यात मुख्यमंत्री प्रमोद सावंत सध्या पिछाडीवर आहेत. पहिल्या टप्प्यातील मतदान प्रक्रिया पूर्ण झाल्यानंतर आलेल्या निकालावरून प्रमोद सावंत पिछाडीवर पडल्याचे दिसत आहे.
निवडणुकीच्या आधीच दिवंगत मुख्यमंत्री मनोहर पर्रीकर यांचे पुत्र उत्पल पर्रीकर यांनी बंड केलं होतं. तसेच भाजपच्या आणखी बड्या नेत्यांनी गोव्यामध्ये बंड केलं होते. त्याचा फटका भाजपाला बसला असल्याचे मत तज्ज्ञांनी व्यक्त केलं आहे. यंदा गोवा विधानसभेच्या ४० जागांसाठी ३०१ उमेदवारांनी भवितव्य आजमावलं होतं.
गोव्यात भाजप, काँग्रेस ,आप आणि टीएमसी या राजकीय पक्षांनी मतदार उभे केले होते. तसेच यंदा शिवसेना देखील गोवा विधानसभा निवडणुकीच्या रिंगणात उतरली होती. त्यामुळे गोव्यात काँटे की टक्कर बघायला मिळाली होती. पण हाती आलेल्या निकालांवरून गोव्यात काँग्रेसने आघाडी मिळवली आहे. त्यामुळे गोव्यात काँग्रेसची सत्ता येणार हे जवळपास निश्चित झाले आहे.
एक्झिट पोलनुसार, गोव्यात कोणत्याही एक पक्षाला बहुमत मिळणार नाही, अशी शक्यता वर्तवण्यात आली आहे. मात्र भाजपला सर्वाधिक जागा मिळतील. तसेच इतर पक्षांमध्ये काँग्रेस दुसऱ्या तर आप तिसऱ्या क्रमांकावर असेल, असा अंदाज आहे. मतमोजणीला सुरुवात झाली असून लवकरच चित्र स्पष्ट होईल.
महत्वाच्या बातम्या :-
पंजाबात काॅंग्रेसची पुन्हा जोरदार मुसंडी; आपचा वेग मंदावला
गोव्यात काँग्रेसचे सरकार येणार, काँग्रेसची २० जागांवर आघाडी; भाजप मात्र पिछाडीवर
उत्तराखंडात भाजप-काँग्रेसमध्ये काट्याची टक्कर; हरीश रावत म्हणाले, देवाची कृपा आहे, काँग्रेसच येणार
