ठाकरे गटाला आणखी एक धक्का बसला आहे. सामनाच्या मुखपत्राच्या माध्यमातून ठाकरे गटात ठाणे विधानसभा क्षेत्रप्रमुख नौपाड्यातील भास्कर पाटील यांची निवड करण्यात आली होती. पण नंतर असं लक्षात आलं की, हेच भास्कर पाटील मुख्यमंत्री एकनाथ शिंदे यांच्या गटात आहेत. हे स्वत: भास्कर पाटलांनी जाहीर केलं.
१७ जानेवारीला थेट पत्रकार परिषद घेत त्यांनी हा खुलासा केला. त्यांनी मी एकनाथ शिंदेंसोबत आहे असं जाहीर केल्याने ठाकरे गटात खळबळ माजली आहे. आता पुन्हा ठाण्यामध्ये पदाधिकाऱ्यांसाठी चांगलीच स्पर्धा होण्याची शक्यता आहे. शिवसेनेने सत्तेसाठी केलेल्या बंडानंतर ठाणे शहर हे महाराष्ट्राच्या राजकारणाचे केंद्रबिंदू बनले आहे.
राज्याचे मुख्यमंत्री एकनाथ शिंदे हे ठाणे शहरातील उद्धव ठाकरे गटाला जवळपास नेस्तनाबूत करण्याच्या प्रयत्नात आहेत. त्यामुळे दोन्ही गटात जोरदार खडाजंगी पाहायला मिळत आहे. प्रत्यक्षात काही दिवसांपासून थांबलेला दोन गटातील वाद आता माजी नगरसेवक भास्कर पाटील यांच्यामुळे पुन्हा उफाळून आला आहे.
सत्तेचा धाक दाखवून त्यांच्या गटातील पदाधिकाऱ्यांना पक्ष बदलण्यास भाग पाडले जात असल्याचा स्फोटक आरोप उद्धव बाळासाहेब ठाकरे शिवसेनेचे खासदार राजन विचारे यांनी केला आहे. या संदर्भात त्यांनी भास्कर पाटील यांचे नाव घेतले आहे.
पाटील हे ठाकरे गटाचे आहेत असं सांगून त्यांची नुकतीच ठाकरे गटातील शिवसेनेत विधानसभा मतदारसंघप्रमुखपदी नियुक्ती करण्यात आली होती. त्यानंतर शिंदे गटाकडून पक्षात येण्यासाठी दबाव टाकल्याचा आरोप विचारे यांनी केला आहे. मात्र विचारे यांचा आरोप फेटाळून लावत भास्कर पाटील यांनी अचानक बाजू बदलून शिंदे गटात प्रवेश केला आणि सगळ्यांना धक्का दिला आहे.
ठाण्यात सध्या शिवसेनेचे शिंदे गटाचे प्रवक्ते नरेश म्हस्के आणि शिवसेना ठाकरे गटाचे खासदार राजन विचारे यांच्यातील आरोप प्रत्यारोप शिगेला पोहोचला आहे. विचारे आणि म्हस्के यांनी एकमेकांवर आरोप-प्रत्यारोप करून राजकीय वातावरण पूर्णपणे तापवले आहे.
याच मुद्द्यावर आपली तीव्र प्रतिक्रिया व्यक्त करताना विचारे यांनी सोमवारी पत्रकार परिषदेत बोलताना ठाणे शहरात राजकीय नियम डावलले जात असल्याचे सांगितले. नारायण राणेंनी शिवसेनेविरोधात बंडखोरी केली तेव्हा नरेश म्हस्के काँग्रेसमध्ये जाणार होते, असा आरोप करत त्यांनी बाळासाहेबांचे शिवसेना प्रवक्ते नरेश म्हस्के यांच्यावर थेट हल्ला चढवला. पण त्यांच्या पुढाकारामुळे पक्षांतर शक्य झाले नाही.
त्यांच्या या आरोपानंतर म्हस्के संतापले आणि त्यांनी विचारे यांनी खांद्यावर बंदूक ठेवून गोळीबार केल्याचे सांगितले. यादरम्यान भास्कर पाटील यांचा गटप्रवेश फौजदारी खटल्याचा धाक दाखवून आणि खोट्या प्रकरणात गोवण्याची धमकी देऊन झाल्याचा आरोप विचारे यांनी केला. यावर म्हस्के यांनी पलटवार केला की, भास्कर पाटील हे सुरुवातीपासूनच शिंदे गटात सामील झाले आहेत. पक्षाकडून ठाणे येथे शहर विधानसभा मतदारसंघाच्या समन्वयकपदाची जबाबदारी त्यांच्यावर सोपविण्यात आली आहे.
महत्वाच्या बातम्या
होंडाने आणली भन्नाट बाईक! एक लीटरमध्ये जाते तब्बल १०० किलोमीटर; वाचा फिचर्स
शुभमन गिलचे जबरदस्त द्विशतक! उडवल्या किवींच्या चिंधड्या; मोडले अनेक दिग्गजांचे ‘हे’ विक्रम
उत्सूकता शिगेला! ‘या’ तारखेला येतोय ‘बाळासाहेबांचा राज’; जाणून घ्या सविस्तर…
नियतीचा खेळ! जुळे भाऊ एकमेकांपासून ९०० किमी दूर; तरी एकाच वेळी एकसारखाच झाला मृत्यू
