19 मार्च रोजी, भारतीय संघ आणि ऑस्ट्रेलिया (IND vs AUS) यांच्यात तीन एकदिवसीय मालिकेतील दुसरा सामना खेळला गेला. विशाखापट्टणम येथे झालेल्या या सामन्यात कांगारू संघाने नाणेफेक जिंकून टीम इंडियाला प्रथम फलंदाजीसाठी आमंत्रित केले.
प्रथम फलंदाजी करताना यजमान भारताची कामगिरी अत्यंत खराब झाली. 26 षटकांत 117 धावा करून भारताचा संघ सर्वबाद झाला. प्रत्युत्तरात स्टीव्ह स्मिथच्या ऑस्ट्रेलिया संघाने 66 चेंडूत विजयी लक्ष्य गाठले. परिणामी ऑस्ट्रेलिया संघाने 10 गडी राखून विजय मिळवला.
नाणेफेक गमावल्यानंतर प्रथम फलंदाजी करणाऱ्या भारतीय संघाने ऑस्ट्रेलियासमोर दुसऱ्या एकदिवसीय सामन्यात 118 धावांचे माफक लक्ष्य ठेवले होते. पहिल्या वनडेत फ्लॉप झालेल्या ऑस्ट्रेलियन गोलंदाजांसमोर कोणताही भारतीय खेळाडू फार काळ टिकू शकला नाही.
त्यामुळे यजमानांचा डाव अवघ्या 26 षटकांत संपला. संघातील खेळाडूची सर्वोच्च धावसंख्या ३१ धावांची होती, जी विराट कोहलीच्या बॅटमधून पाहायला मिळाली. त्याच्याशिवाय रोहित शर्माने 13 आणि रवींद्र जडेजाने 16 धावा केल्या. अक्षर पटेल 29 धावांवर नाबाद राहिला.
त्याचवेळी चार खेळाडू असे होते की ज्यांना खातेही उघडता आले नाही. केएल राहुल, हार्दिक पांड्या आणि कुलदीप यादव यांच्या खात्यात अनुक्रमे 9, 1 आणि 4 धावांची नोंद झाली. दुसरीकडे कांगारू गोलंदाज मिचेल स्टार्क भारतासाठी मृत्यूची घंटा ठरला.
मिचेल स्टार्कने एकट्याने 5 खेळाडूंची शिकार केली. त्यांच्याशिवाय शॉन अॅबॉटला तीन आणि नॅथन एलिसला दोन बळी मिळाले. प्रत्युत्तरात ऑस्ट्रेलियन संघाच्या सलामीवीरांनीच निर्धारित लक्ष्य गाठले. ट्रॅव्हिस हेड आणि मिचेल मार्श या जोडीने शतकी भागीदारी करत 11 षटकांत लक्ष्य गाठले.
मिशेलने 66 धावा केल्या तर हेडने 30 चेंडूत 51 धावा केल्या. या दोघांच्या झटपट फलंदाजीमुळे कांगारू संघाने 10 गडी राखून दणदणीत विजय मिळवला. यासह पाहुण्या संघाने तीन सामन्यांच्या वनडे मालिकेत 1-1 अशी बरोबरी साधली. आता दोन्ही संघांमध्ये निर्णायक सामना बुधवारी म्हणजेच 22 मार्च रोजी होणार आहे.
चेन्नईच्या एमए चिदंबरम स्टेडियमवर रोहित आणि स्मिथचा संघ आमनेसामने येणार आहे. 118 धावांचे लक्ष्य ऑस्ट्रेलियावर कोणत्याही अर्थाने दडपण आणण्यासाठी पुरेसे नव्हते. त्याचवेळी भारताचा कर्णधार रोहित शर्माच्या वतीने कर्णधार म्हणून गचाळ कामगिरी करण्यात आली.
सुरुवातीच्या काळात वेगवान गोलंदाजांनी मार खाल्ला असला तरी पहिल्या 7 षटकांमध्ये त्याने एकाही फिरकी गोलंदाजाला आक्रमणात आणले नाही. तथापि, त्याने 8 व्या षटकात अक्षरला आणले, जो कसोटी मालिकेतही विकेट घेऊ शकला नव्हता.
10व्या षटकात कुलदीप आला, पण तोपर्यंत खूप उशीर झाला होता. अशा परिस्थितीत रोहितचे कर्णधारपदी गचाळ कामगिरी हेही या सामन्यात टीम इंडियाच्या पराभवाचे प्रमुख कारण ठरले. कारण या दौऱ्यात कांगारू फलंदाज फिरकीसमोर कमकुवत दिसत आहेत. त्यांना लवकर आणले असते तर कदातिच निकाल बदलला असता.
