Amol Kolhe : राष्ट्रवादी काँग्रेस (शरद पवार गट)चे खासदार आणि अभिनेते *डॉ. अमोल कोल्हे(Amol Kolhe) यांच्या राजकीय भूमिकांचा परिणाम आता त्यांच्या *‘शिवपुत्र संभाजी’* या प्रसिद्ध महानाट्यावर झाला आहे. *नाशिकमधील सर्व प्रयोग आयोजकांनी रद्द* केल्याचं जाहीर केलं असून, यामागे *वक्फ विधेयकावर केलेलं मतदान आणि पहलगाम हल्ल्याबाबत त्यांनी घेतलेली भूमिका* कारणीभूत असल्याचं सांगण्यात आलं आहे.
आयोजकांची नाराजी, शो रद्द करण्याचा निर्णय
*गोपाळ पाटील(gopal patil) या नाट्यप्रयोगाचे आयोजक म्हणाले की, “*पहलगाम दहशतवादी हल्ल्यानंतर कोल्हेंनी(Amol Kolhe) घेतलेल्या भूमिकेमुळे आम्ही व्यथित झालो आहोत. दीड महिन्यांपासून आम्ही नाट्य प्रयोगासाठी तयारी केली होती. मात्र, निर्माण झालेल्या भावना लक्षात घेता शो रद्द करण्याचा निर्णय घेतला आहे.*”
अमोल कोल्हेंची प्रतिक्रिया – “राजकारण आणि कला वेगळी पाहा”
या निर्णयावर प्रतिक्रिया देताना डॉ. कोल्हे(Amol Kolhe) म्हणाले, “*कलाकार म्हणून माझ्या सादरीकरणाचा आणि खासदार म्हणून माझ्या भूमिकांचा संबंध जोडणं योग्य नाही. राजकीय जोडे घालून मी नाटक करत नाही. प्रेक्षकांना दिलेल्या असुविधेबद्दल मी दिलगिरी व्यक्त करतो.*”
ते पुढे म्हणाले, “*पहलगाम हल्ल्याबाबत माझी भूमिका स्पष्ट आहे – ही वेळ राजकारणाची नाही. पाकिस्तानला धडा शिकवण्याच्या भूमिकेत संपूर्ण देश पंतप्रधानांच्या पाठीशी आहे.*”
राजकारणाचा थेट परिणाम रंगभूमीवर?
अमोल कोल्हे यांचं *राजकीय विधान आणि कलेतील सहभाग यांचा गोंधळ* निर्माण झाल्याचं यावरून स्पष्ट होतं. त्यांच्या भूमिकेवरून प्रेक्षक व आयोजकांचा संताप व्यक्त होऊ लागल्याने त्यांच्यासाठी एक *नवीन आव्हान* उभं राहिलं आहे.
*‘शिवपुत्र संभाजी’* या महानाट्याने गेल्या काही वर्षांत प्रेक्षकांच्या मनात विशेष स्थान निर्माण केलं होतं. मात्र, आता *कलाकाराच्या राजकीय भूमिकेमुळे कलाविश्वालाही फटका बसतो* आहे, हे पुन्हा एकदा अधोरेखित झालं आहे.
amol-kolhes-shivputra-sambhaji-grand-play-cancelled
