अमोल कोल्हेंनी बाबासाहेब पुरंदरेंची भेट घेतल्याने लोकं संतापली; सोशल मिडीयावर तुफान ट्रोलींग

मुंबई | शक्रवारी राष्ट्रवादीचे खासदार अमोल कोल्हे यांनी दिवाळीनिमित्त शिवशाहीर बाबासाहेब पुरंदरे यांची भेट घेतली. यावेळी डॉ. अमोल कोल्हे यांनी शिवगंध हे पुस्तक बाबासाहेब पुरंदरे यांना भेट म्हणून दिले. तसेच बाबासाहेब पुरंदरे यांनी खासदार कोल्हे यांना छत्रपती संभाजी महाराजांची राजनीती हे पुस्तक दिवाळी भेट म्हणून दिले.

फेसबुक पोस्ट आणि ट्विट करत अमोल कोल्हे यांनी याबाबतची माहिती दिली आहे. मात्र कोल्हेंनी बाबासाहेब पुरंदरेंची भेट घेतल्याने लोकं संतापली आहेत. सोशल मिडीयावर कोल्हे यांना मोठ्या प्रमाणात ट्रोल करण्यात आले आहे. यामुळे नवीन वादाला तोंड फुटल्याचे दिसतं आहे.

वाचा कशाप्रकारे केलं जातंय ट्रोल…
‘मा. जिजाउंची ज्यानी बदनामी केली, ज्यानी शिवरायांचे ब्राह्मणीकरण केले. पदोपदी अपमान केला. अशा व्यक्तीची भेट घेउन आपण धन्य झाला असेल तर …. आपल्याकडून तरी आम्हा बहुजनाना अशी अपेक्षा नव्हती.’

‘डॉ. अमोल कोल्हे साहेब आपल्याकडून ही अपेक्षा नव्हती. नुसता अभिनय करू नका,इतिहास वाचून समजून घ्या.आणि खलनायक ओळखायला शिका.’

‘डॉक्टर साहेब चुकीच्या माणसाची भेट घेतलीत आई जिजाऊंची बदनामी करणारी माणसं तुमच्यासाठी आदरणीय असतील आमच्यासाठी नाहीत… चुकलात तुम्ही डॉक्टर साहेब.’

वाचा काय म्हणाले अमोल कोल्हे?
आदरणीय शिवशाहीर बाबासाहेब पुरंदरे यांची दिवाळीनिमित्त भेट घेऊन आशीर्वाद घेतले. यानिमित्ताने शिवकाळाचा अमूल्य ओघवता खजिना पुन्हा अनुभवता आला. शिरुर लोकसभा मतदारसंघातील शिवसंस्कार सृष्टी या प्रकल्पाची माहिती घेऊन या संकल्पनेचे बाबासाहेब पुरंदरे यांनी भरभरुन कौतुक केले.

स्वराज्यजननी जिजामाता मालिका, आगामी चित्रपट यावर मोलाचे मार्गदर्शन मिळाले. या प्रसंगी शिवगंध हे पुस्तक त्यांना भेट म्हणून दिले. तर त्यांच्याकडून छत्रपती संभाजी महाराजांची राजनीती हे पुस्तक दिवाळी भेट म्हणून मिळाले. वयाचे शतक साजरे करणाऱ्या एका आदरणीय शिवप्रमेचीच्या सहवासातील हा अविस्मरणीय दिवाळसण, असे अमोल कोल्हे म्हणाले.

 

महत्त्वाच्या बातम्या
‘बाई आज तुमची खूप उणीव भासतेय’, आईच्या आठवनीत शरद पवार व्याकूळ; पहा काय म्हणताहेत
मनसे स्टाईल! असा उमेदवारी अर्ज दाखल करणाऱ्या पहिल्याच उमेदवार, वाचा सविस्तर…
एस शंकर: १९९३ पासून फक्त आणि फक्त हिट फिल्म देणारा दिग्दर्शक

Comments are closed, but trackbacks and pingbacks are open.