Shinde Group : विधानसभेचे विरोधी पक्षनेते अंबादास दानवे यांनी रोजगार हमी योजना मंत्री संदीपान भुमरे यांच्यावर गंभीर आरोप केला आहे. ब्रम्हगव्हाण योजनेशी संबंधित हा आरोप करण्यात आला आहे. यामुळे राजकीय वर्तुळात चर्चांना उधाण आले आहे.
संदीपान भुमरेंच्या जावयाला ब्रम्हगव्हाण उपसा सिंचन योजनेचे कंत्राट मिळाले आहे, असा आरोप अंबादास दानवे यांनी केला आहे. ब्रम्हगव्हाण उपसा सिंचन योजनेचे कंत्राट ज्याला मिळाले होते त्याच्याशी करार करून भुमरेंच्या जावयाने नियमबाह्य पद्धतीने कंत्राट लाटल्याचा आरोप त्यांनी केला आहे.
स्वप्नील गोरे असे संदीपान भुमरे यांच्या जावयाचे नाव आहे. यावेळी बोलताना अंबादास दानवे म्हणाले की, ब्रम्हगव्हाण योजनेचे काँट्रॅक्टर भुमरे साहेबांचे जावई आहेत. त्यांनी रीतसर खरेदीखत रजिस्टर केलेलं आहे. परंतु, अशा पद्धतीने काँट्रॅक्टरचे रजिस्ट्रेशन होत नसते. तरीसुद्धा भुमरेंच्या जावयाने संबंधित कंत्राटदाराकडून रीतसर औरंगाबादमधील रजिस्ट्री ऑफिसमध्ये जाऊन खरेदीखत करून घेतले आहे.
पुढे ते म्हणाले की, ही बाब अतिशय गंभीर आहे. तसेच ब्रम्हगव्हाण योजना ही जनतेच्या हितासाठी आहे की, भुमरेंच्या जावयाला पाळण्यासाठी आहे, हा प्रश्न निर्माण झाला असल्याचेही अंबादास दानवे यावेळी म्हणाले आहेत. त्यामुळे या प्रकरणाची चौकशी करण्यात यावी अशी मागणी त्यांनी केली आहे.
काही दिवसांपूर्वी शिंदे गटाचे मंत्री संदीपान भुमरे यांच्या मतदारसंघातील ८९० कोटींच्या ब्रम्हगव्हाण उपसा सिंचन योजनेला शिंदे-फडणवीस सरकारने मंजुरी दिली होती. या योजनेमुळे पैठण तालूक्यातील ५५ गावांच्या पिण्याच्या पाण्याचा प्रश्न सुटणार आहे. तसेच जवळपास ४२०० एकर जमीन पाण्याखाली येणार आहे.
दरम्यान, या योजनेचे कंत्राटदार हे संदीपान भुमरे यांचे जावई आहे, असा आरोप अंबादास दानवे यांनी केला आहे. एकीकडे फॉक्सकॉन प्रकल्पावरून शिंदे सरकारवर अनेक आरोप प्रत्यारोप होत आहे. त्यात आता हा मुद्दा समोर आल्याने सध्या राजकीय वातावरण तापले आहे.
महत्वाच्या बातम्या
Shivsena : शिंदेंनी शिवसेना फोडली, आता शिवसेनेने काॅंग्रेसला पाडले खिंडार; बड्या नेत्याचा सेनेत प्रवेश
Foxconn : टक्केवारीची डील झाली नाही म्हणून.., फॉक्सकॉन प्रकल्पावरून संजय शिरसाटांचा मविआवर गंभीर आरोप
Salman khan : सलमानला मारण्यासाठी बनवला होता प्लॅन-बी, फार्म हाऊसच्या मार्गावर भाड्याने घेतली होती रूम, पण…
Vitthal temple : मोठी बातमी! पंढरपुरातील सात मजली दर्शन मंडप पाडणार; जाणून घ्या यामागील कारण