‘मुझको भी तो लिफ्ट करा दे…’ या गाण्याने घराघरात पोहोचलेला गायक अदनान सामी भारतीय नागरिकत्व घेतल्यापासून वादात सापडला आहे. आता त्याचा धाकटा भाऊ जुनैद सामी खान याने त्याच्या सोशल मीडिया पोस्टवर सामी खानबाबत काही धक्कादायक खुलासे करताना गंभीर आरोप केले आहेत.
त्याचा भाऊ मोठा खोटारडा असल्याचे त्याने स्पष्ट लिहिले. सामीकडे बनावट पदवी असून तो तुरुंगातही गेला आहे, असा दावाही त्याने केला. मात्र, ज्या पोस्टद्वारे त्यानी हा दावा केला होता ती पोस्ट त्यानी आता हटवली आहे.
गायक अदनान सामीचा धाकटा भाऊ जुनैदच्या कथित पोस्टचा स्क्रीनशॉट इंटरनेटवर मोठ्या प्रमाणात व्हायरल होत आहे, ज्यामध्ये त्याने अदनान सामीच्या जन्मस्थान आणि शिक्षणाबद्दल माहिती देत गंभीर आरोप केले आहेत. त्याच्या पोस्टमध्ये, सामी खानच्या भावाने त्याला त्याच्या कारकिर्दीत मदत न केल्याबद्दल दोष दिला.
जुनैदने लिहिले, ‘इमरान खान बनण्याची वेळ आली आहे. मी माझा मोठा भाऊ अदनान सामीबद्दल अनेक सत्ये उघड करणार आहे. कारण देवाला सोडून मला कोणाचीच भीती वाटत नाही. मला हे सगळं करायचं नाही, पण मला असे करायलाच लागेल, कारण आता सत्य बाहेर येणं खूप गरजेचं आहे.
मी अदनानला आव्हान देतो की माझी यापैकी कोणतीही एक गोष्ट चुकीची आहे हे सिद्ध करावे. आपले म्हणणे मांडताना जुनैद म्हणाला, ‘अदनानचा जन्म १५ ऑगस्ट १९६९ रोजी रावळपिंडी येथील रुग्णालयात झाला. त्यानंतर 1973 मध्ये माझाही जन्म याच हॉस्पिटलमध्ये झाला.
त्यामुळे अदनानचा जन्म इंग्लंडमध्ये झाला हे खोटे आहे. तो इंग्लंडमध्ये त्याच्या ओ-लेव्हल्समध्ये नापास झाला आणि नंतर त्याने लाहोरमधून पदवी मिळवली. त्यानंतर त्यानी अबुधाबी येथून खाजगीरित्या ए-लेव्हल्स केले. व्हायरल होत असलेल्या पोस्टमध्ये जुनैदने पुढे म्हटले आहे की,
त्याच्या भावाने त्याला त्याच्या करिअरमध्ये कधीही मदत केली नाही. कारण त्याला भीती होती की मी त्याच्यापेक्षा चांगली कामगिरी करू शकतो आणि यामुळे त्याचे करिअर संपुष्टात येऊ शकते. मी घरीच राहिलो आणि काहीही करू शकलो नाही, याचे कारण म्हणजे अदनान आहे.
त्याने अदनानच्या भारतीय नागरिकत्वाबद्दलही बोलले आणि त्याने भारतीय नागरिकत्व का घेतले हे सांगितले. तो म्हणाला कारण भारतात चांगला पैसा मिळतो जो पाकिस्तानात मिळत नाही. जुनैदने त्याच्या पोस्टमध्ये पुढे दावा केला की, अदनान सामीने त्याच्या दुसऱ्या पत्नीचा अश्लील व्हिडिओ बनवला आणि तो जगाला दाखवण्यासाठी कोर्टात दिला.
त्याने लिहिले, ‘ही गोष्ट मला त्रास देते. मी माझ्या मैत्रिणीसोबतही असे करू शकत नाही. अदनानने त्याची दुसरी पत्नी सबासोबत २००७-२००८ दरम्यान पॉर्न डीव्हीडी बनवल्या. पती-पत्नीमध्ये बरेच काही घडते आणि ते स्वतःपुरते ठेवले पाहिजे. अदनानने कोर्टात दावा केला होता की, हा व्हिडिओ त्याने बनवला नसून सबाच्या बॉयफ्रेंडने बनवला होता आणि त्याची डीव्हीडीही कोर्टाला दिली होती, जेणेकरून संपूर्ण भारताला तो पाहता येईल. या सर्व गोष्टी खोट्या आहेत.
महत्वाच्या बातम्या
“ये हाथ हमें दे दे ठाकूर”, मुंबईकर शार्दुलने २९ चेंडूत ६८ धावा ठोकत उडवला RCBचा धुव्वा, मीम्सचा महापूर
मुंबईची ताकद वाढली! 150 च्या वेगाने गोलंदाजी करणारा खेळाडू संघात दाखल, बुमराहची जागा घेणार
‘ठाण्यातून निवडणूक जिंकून दाखवणार’; आदित्यनी दिलेल्या आव्हानावर मुख्यमंत्री शिंदेंचे प्रत्युत्तर; म्हणाले…
