Samantha Prabhu : दाक्षिणात्य चित्रपटसृष्टीतील लोकप्रिय अभिनेत्री *सामंथा रूथ प्रभू* हिने नुकत्याच दिलेल्या एका मुलाखतीत तिच्या वैयक्तिक आयुष्यातील कठीण टप्प्यांबाबत मोकळेपणाने संवाद साधला. विशेषतः *नागा चैतन्यसोबतच्या घटस्फोटानंतर* तिने अनुभवलेल्या भावनिक आणि मानसिक संघर्षावर तिने मनमोकळे बोलत स्वतःची बाजू मांडली.
सामंथा(Samantha Prabhu) म्हणाली, “*मला वाटलं होतं की मी या दुःखात हरवून जाईन, पण जेव्हा जाणवलं की या सगळ्याच्या असूनही मी जगते आहे, तेव्हा मला माझा अभिमान वाटला. मी कधीच कल्पनाही केली नव्हती की मी इतकी ताकदवान आहे.*”
व्यक्तिगत दुःखातून पुन्हा उभारी*
घटस्फोटानंतर तिला अनेक भावनिक झळा बसल्या, हे कबूल करत सामंथाने सांगितले की, “*त्या काळात मी खूप खचून गेले होते, पण स्वतःला सावरण्यासाठी मी वेगवेगळे मार्ग शोधले. स्वतःवर लक्ष केंद्रित केलं, आणि हळूहळू मी सावरले.*”
घटस्फोटाची अधिकृत घोषणा केल्यानंतर काही काळातच सामंथाने *‘पुष्पा’ या सुपरहिट चित्रपटातल्या आयटम साँगमध्ये नृत्य केलं, ज्यावर काहींची टीका झाली. मात्र यावर उत्तर देताना तिने स्पष्ट केलं की, “मी कामाच्या माध्यमातून स्वतःला सावरत होते. त्यामुळे हे गाणं स्वीकारणं माझ्यासाठी गरजेचं होतं.*”
विवादित विधानामुळे चर्चेत*
एका मजेशीर मुलाखतीदरम्यान सामंथाला विचारण्यात आले, “*तुझ्यासाठी अन्न महत्त्वाचं की सेक्स?” सुरुवातीला थोडा संकोच करत, तिने नंतर स्पष्टपणे उत्तर दिलं की, “एक दिवस उपाशी राहू शकते, पण…*” हे विधान सोशल मीडियावर मोठ्या प्रमाणावर व्हायरल झालं आणि चर्चेचा विषय बनलं.
नागा चैतन्य आणि शोभिता धुलिपालाच्या लग्नानंतर प्रतिक्रिया*
सामंथा(Samantha Prabhu) आणि नागा चैतन्य यांचा घटस्फोट जाहीर झाल्यानंतर चाहत्यांना मोठा धक्का बसला होता. त्यानंतर डिसेंबर महिन्यात *नागा चैतन्यने अभिनेत्री शोभिता धुलिपालाशी विवाह केला, यावरून सोशल मीडियावर त्याला ट्रोलिंगलाही सामोरे जावे लागले. सामंथाने यावर कोणतीही थेट प्रतिक्रिया दिली नसली, तरी तिच्या वक्तव्यांमधून **तिच्या मानसिक प्रगल्भतेची आणि खंबीर स्वभावाची झलक* स्पष्टपणे दिसते.
सामंथाची ही मनमोकळी आणि सच्ची कबुली अनेकांसाठी प्रेरणादायी ठरत आहे. वैयक्तिक आयुष्यात आलेल्या अडचणींवर मात करून, ती *तिच्या कामाशी प्रामाणिक राहिली आणि स्वतःवर विश्वास ठेवत पुढे वाटचाल करत राहिली*, हेच तिचं खरं यश आहे.
actress-samantha-prabhus-bold-answer
