भारतीय संघाचा स्टार क्रिकेटर पृथ्वी शॉसोबत भांडण करणाऱ्या ब्लॉगर आणि यूट्यूबर सपना गिलबाबत मोठी बातमी समोर आली आहे. पोलिसांनी सपनाला अटक केली आहे. ओशिवरा पोलिसांनी ही कारवाई केली आहे. अटकेनंतर सपना गिलचे मेडिकलही करण्यात आले.
मिळालेल्या माहितीनुसार, सपना गिलला आता शुक्रवारी (17 फेब्रुवारी) न्यायालयात हजर केले जाणार आहे. याप्रकरणी आणखी लोकही अटक होण्याची शक्यता आहे. सध्या आरोपीच्या वतीने कोणताही क्रॉस एफआयआर दाखल करण्यात आलेला नाही.
याप्रकरणी ओशिवरा पोलिस ठाण्यात गुन्हा दाखल करण्यात आल्याचे पोलिसांनी सांगितले. यामध्ये आधी गाडीची तोडफोड केल्याची तक्रार 7 जणांविरुद्ध आहे. त्यानंतर प्रकरण मिटवण्याच्या नावाखाली ५० हजार रुपयांची मागणीही केली.
खरे तर हे प्रकरण १५ फेब्रुवारी रोजी मुंबईतील सहारा स्टार हॉटेलचे आहे. पृथ्वी शॉ त्याच्या मित्रासोबत डिनरसाठी हॉटेलमध्ये पोहोचला होता. पृथ्वी शॉचा मित्र आशिष सुरेंद्र यादव याने 8 जणांविरोधात तक्रार दाखल केली आहे. त्यानुसार रात्रीच्या जेवणादरम्यान अज्ञात आरोपी पृथ्वी शॉ यांच्याकडे आले आणि त्याने सेल्फी काढण्याची मागणी केली.
याआधी पृथ्वी शॉनेही दोन लोकांसोबत सेल्फी काढला होता, मात्र पृथ्वी शॉने असे सांगत संपूर्ण ग्रुपसोबत सेल्फी घेण्यास नकार दिला की मी मित्रांसोबत जेवायला आलो आहे, त्रास देऊ नका. तक्रारीनुसार, त्यांनी अधिक आग्रह केला असता पृथ्वीच्या मित्राने हॉटेल व्यवस्थापकाला फोन करून तक्रार केली.
व्यवस्थापकाने त्या लोकांना हॉटेल सोडण्यास सांगितले. यानंतर ते सर्व बाहेर पृथ्वी शॉची वाट पाहू लागले. बाहेर पडताना त्यांनी बेसबॉलच्या बॅटने पृथ्वी शॉच्या मित्राच्या कारची विंडशील्ड तोडली. त्यावेळी पृथ्वी शॉ कारमध्ये फक्त उपस्थित होता.
तक्रारीनुसार, पृथ्वी शॉ कारमध्ये होता, आम्हाला कोणताही वाद नको होता. म्हणूनच आम्ही पृथ्वी शॉला दुसऱ्या कारमध्ये पाठवले. जोगेश्वरीतील लोटस पेट्रोल पंपाजवळ शॉ यांच्या मित्राची गाडी थांबली होती. जिथे एक महिला आली आणि म्हणाली की हे प्रकरण सोडवायचे असेल तर 50 हजार रुपये द्यावे लागतील अन्यथा खोटे आरोप करू.
तर सपना गिलचे वकील अली काशिफ खान यांनी पृथ्वी शॉवर मारहाणीचा आरोप केला आहे. तो म्हणाला, ‘पृथ्वी शॉने सपनाला मारहाण केली. पृथ्वी शॉच्या हातातही काठी दिसत आहे. पृथ्वी शॉच्या मित्रांनी यापूर्वीही हल्ला केला होता. सपना सध्या ओशिवरा पोलीस ठाण्यात आहे. पोलिसांनी तीला मेडिकलला जाण्याची परवानगी दिलेली नाही.
महत्वाच्या बातम्या
मी तुमच्या पाय पडतो असे करु नका; ठाकरे गटाचे वकील न्यायालयात असे का म्हणाले?
गुलाबराव पाटील गुवाहटली शेण खायला गेले होते का? शेतकरी नेता भडकला
‘हे’ दोन प्रश्न विचारत सुप्रीम कोर्टाने वाढवलं शिंदे गटाचं टेंशन, संपुर्ण प्रकरणाचा रोखच टाकला बदलून
