बॉलिवूडचे प्रसिद्ध चित्रपट निर्माते आणि अभिनेते सतीश कौशिक यांच्या राजधानीत झालेल्या मृत्यूबाबत धक्कादायक बाबी समोर येत आहेत. त्यानंतर सतीश कौशिक यांच्या मृत्यूवर प्रश्न उपस्थित होत आहेत. असे सांगितले जात आहे की, होळी पार्टीच्या बहाण्याने एका मोठ्या बिल्डर आणि गुटखा कंपनीच्या मालकाने दिल्लीला बोलावले होते.
राजोकरीतील वेस्ट एंड कॉलनी येथील एका आलिशान फार्म हाऊसमध्ये गुप्त पद्धतीने पार्टीचे आयोजन करण्यात आले होते. तेथून काही आक्षेपार्ह औषधेही जप्त करण्यात आली आहेत. ही पार्टी कोणत्या पद्धतीची होती आणि त्यात कोण कोण सहभागी झाले होते, याचा शोध घेतला जात आहे.
मृत्यूचे नेमके कारण जाणून घेण्यासाठी संपूर्ण पोस्टमॉर्टम अहवालाची वाट पाहत असल्याचे दिल्ली पोलिसांचे म्हणणे आहे आणि पोलिसांच्या एका पथकाने पार्टी आयोजित केलेल्या फार्म हाऊसलाही भेट दिली आहे. सूत्रांवर विश्वास ठेवायचा झाल्यास, पोलिसांनी फार्म हाऊसमधून काही औषधे जप्त केली आहेत.
त्याच वेळी, पोलिसांनी सांगितले की एका उद्योगपतीच्या फार्म हाऊसवर आयोजित केलेल्या पार्टीला उपस्थित असलेल्या पाहुण्यांच्या यादीची छाननी केली जात आहे. या पार्टीच्या आयोजनात एका उद्योगपतीचाही हात आहे जो एका प्रकरणात फरार आहे.
होळीच्या रात्री उशिरा सतीश कौशिक यांना फार्म हाऊसवरून गुरुग्रामला नेत असताना अचानक छातीत दुखू लागलं, तेव्हा वाटेतच त्यांचा मृत्यू झाला. त्यांच्या मृत्यूची माहिती मिळताच विकास अंडरग्राउंड झाला आणि दुसऱ्या दिवशी दुबईला पळून गेला.
त्यानंतर त्याने हे प्रकरण सोडवण्याची जबाबदारी संबंधित बिल्डरवर सोपवली. बिल्डरने रात्री विशेष आयुक्तांना बोलावून संपूर्ण घटनेची माहिती दिली. त्यानंतर विशेष आयुक्तांनी हे प्रकरण हाताळण्याची जबाबदारी एका अधिकाऱ्यावर सोपवली.
महत्वाच्या बातम्या
15 कोटींसाठी केला अभिनेते सतीश कौशिक यांचा खून, फार्महाऊसच्या मालकानेच केला घात
फक्त ७५ घरे असलेल्या ‘या’ गावाने देशाला आजवर दिलेत ४७ IAS आणि IPS अधिकारी; वाचा त्या गावाची भन्नाट स्टोरी
राष्ट्रवादीने केला उद्धव ठाकरेंचा करेक्ट कार्यक्रम! शिवसेनेचा मोठा नेता फोडत पाडले खिंडार
