Shefali Jariwala Passed Away : ‘कांटा लगा’ या गाजलेल्या म्युझिक व्हिडिओमुळे प्रचंड प्रसिद्धी मिळवणारी अभिनेत्री शेफाली जरीवाला (Shefali Jariwala) हिचं निधन झाल्याची दु:खद बातमी समोर आली आहे. 42 वर्षीय शेफालीचा मृत्यू हृदयविकाराच्या झटक्याने (heart attack) झाल्याचं सांगण्यात येत आहे. तिची प्रकृती अचानक खालावल्यामुळे पती पराग त्यागी (Parag Tyagi) यांनी तिला तात्काळ कूपर रुग्णालयात (Cooper Hospital, Mumbai) दाखल केलं, मात्र डॉक्टरांनी तिला मृत घोषित केलं.
या बातमीनंतर संपूर्ण मनोरंजनसृष्टीत शोक व्यक्त केला जात आहे. सोशल मीडियावर तिच्या चाहत्यांनी, मित्रांनी आणि सहकाऱ्यांनी तीव्र हळहळ व्यक्त केली आहे.
शेवटची पोस्ट सिद्धार्थ शुक्लासाठी…
शेफाली जरीवालाची शेवटची पोस्ट तिच्या पूर्वीच्या प्रियकर सिद्धार्थ शुक्ला (Sidharth Shukla) याच्याबद्दल होती. 2 सप्टेंबर 2024 रोजी केलेल्या एका भावनिक ट्विटमध्ये ती म्हणाली होती – “माझ्या मित्रा, आज मी तुझा विचार करतेय…”
हा संदेश तिने X (पूर्वीचं Twitter) वर पोस्ट केला होता. हे लक्षात घेण्यासारखं आहे की सिद्धार्थ शुक्ला (Sidharth Shukla) यांचंही काही वर्षांपूर्वी अचानक निधन झालं होतं, आणि दोघांचं एकेकाळचं नातं ‘बिग बॉस 13’ दरम्यान पुन्हा चर्चेत आलं होतं.
Thinking of you today mere dost @sidharth_shukla ❤️ pic.twitter.com/sZNv6Ft1hG
— Shefali Jariwala (@shefalijariwala) September 2, 2024
शेफाली आणि सिद्धार्थचं नातं
शेफाली जरीवाला आणि सिद्धार्थ शुक्ला यांचं नातं एक काळी खूप चर्चेत होतं. एका मुलाखतीत शेफालीने (Shefali) सांगितलं होतं की त्यांचं एकमेकांशी खूप सुसंवाद होता. ती म्हणाली होती, “आमच्या आवडी सारख्या होत्या – प्रवास, जागा, बुलेट ट्रेन आणि बऱ्याच गोष्टींबाबत आम्ही बोलायचो. डेटिंग संपल्यानंतरही आम्ही एकमेकांशी सन्मानाने वागायचो.“
शेफाली जरीवालाचा (Shefali Jariwala) जन्म 15 डिसेंबर 1982 रोजी अहमदाबाद (Ahmedabad, Gujarat) येथे झाला होता. तिने संगणक अनुप्रयोग (Computer Applications) मध्ये पदवी घेतली होती. अभिनयासोबतच तिला नृत्याची विशेष आवड होती.
तिला ‘कांटा लगा’ या गाण्यामुळे लोकप्रियता मिळाली होती. त्यानंतर तिने अनेक रिअॅलिटी शोमध्ये भाग घेतला. ज्यात नच बलिए 5, नच बलिए 7 (Nach Baliye) आणि बिग बॉस 13 (Bigg Boss 13) यांचा समावेश होता. या शोमधून तिने स्वतःची एक वेगळी ओळख निर्माण केली होती.
शेफालीने दोन वेळा विवाह केला होता. तिचं पहिलं लग्न 2004 मध्ये मीत ब्रदर्स (Meet Bros) मधील संगीतकार हरमीत सिंग (Harmeet Singh) यांच्याशी झालं होतं. मात्र 2009 मध्ये दोघांमध्ये घटस्फोट झाला. त्यानंतर 2015 मध्ये तिने अभिनेता पराग त्यागी (Parag Tyagi) याच्याशी लग्न केलं, जो अनेक हिंदी मालिकांमधून प्रसिद्ध झाला आहे.
