Sachin tendulkar | मास्टर ब्लास्टर सचिन तेंडुलकरने आज अचानक नृसिंहवाडीत हजेरी लावली. सोमवारी पहाटे तो श्री दत्त मंदिरात दर्शनासाठी पोहोचला होता. सकाळी पाच वाजता तो काकड आरतीला उपस्थित होता. त्याला पाहून भाविकही अवाक झाले.
सचिनचं मंदिरात येण्यमागं कारण होतं. त्याचा मुलगा अर्जुन तेंडुलकरला भारतीय क्रिकेट संघात स्थान मिळाले यासाठी सचिनने दत्त चरणी साकडे घातले आहे. सचिनने काकड आरतीही केली अन् त्यानंतर दत्ताचे दर्शन घेऊन प्रार्थना केली. पहाटे चार वाजून ४५ मिनिटांनी सचिन तेंडुलकर आणि अर्जुन तेंडुलकर श्री क्षेत्र नृसिंहवाडीला पोहोचले होते.
येथे कृष्णा पंचगंगा नदीच्या संगमावर दत्त मंदिर आहे. या दत्त मंदिरात दर्शनासाठी दोघेही पोहोचले होते. पहाटेच्या काकड आरतीला सचिनने उपस्थिती लावली. यावेळी जास्त गर्दी नव्हती. नवल खोंबारे यांनी दत्त चरणी प्रार्थना केली आणि प्रसाद म्हणून श्रीफळ त्यांच्या हाती दिले.
यावेळी त्यांच्यासोबत सौरभ भोळेही हजर होते. पहाटेच्या वेळी भाविक कमी होते त्यामुळे सचिनने रांगेत उभे राहून दर्शन घेतले. सचिन आणि त्याचा मुलगा अर्जुन दोघांनीही मास्क घातले होते त्यामुळे भाविकांना त्यांना ओळखता आले नाही. कोल्हापुरातील उद्योजक तेज घाटगे यांचे भाऊ गौरव घाटगे यांनी फोन करून मंदिराच्या ट्रस्टला याबाबत माहिती दिली होती.
त्यांनी सांगितले होते की, त्यांचे जवळचे आणि खास पाहुणे मंदिरात दर्शनासाठी येणार आहेत. तेज घाटगे यांच्या मुडशिंगीच्या फार्महाऊसवर रात्री दहाच्या सुमारास सचिन आणि अर्जुन उतरले होते. रात्री त्यांनी तेथेच पाहुणचार केला आणि मुक्काम केल्यानंतर पहाटे लवकर ते मंदिरात जाण्यासाठी निघाले होते.
जेव्हा सचिन आणि अर्जुन तेंडुलकर तेज घाटगे यांच्या घरी गाडीतून उतरले तेव्हा त्यांना आश्चर्याचा धक्काच बसला. त्यांना विश्वास बसत नव्हता की स्वता क्रिकेटचा देव आपल्या घरी आला आहे. त्यांनी सचिनचा कोल्हापुरी पाहुणचार केला. सचिनला असं अचानक पाहून अनेकांना विश्वास बसत नव्हता. त्याचे फोटो सोशल मिडीयावर व्हायरल झाले आहेत.
महत्वाच्या बातम्या
ratan tata : ‘असा’ पाहिजे फॅन..! घरातल्या मिठापासून ते चारचाकीपर्यंत सगळीकडेच TATA; रतन टाटांच्या चाहत्याची देशात चर्चा
तोंडात पेट्रोल भरून स्टंट करणं पडलं महागात, दाढीला लागली आग, पहा भयानक व्हिडीओ
bachu kadu : “माझ्या एका फोनवर बच्चू कडू गुवाहाटीला गेले”, देवेंद्र फडणवीसांचा खळबळजनक गौप्यस्फोट
Sachin tendulkar : मुलगा अर्जूनसाठी सचिन तेंडूलकरचे नृसिंहवाडीच्या दत्ताला साकडे; थेट दत्तचरणी लोटांगन घालत…
