terrorist attack : काश्मिरी ड्रायव्हर आदिलनं ना धर्म पाहिला, ना जात पाहिली; त्यानं ‘पाहुण्या’ मराठी कुटुंबासाठी फक्त माणूसकी पाहिली!

terrorist attack : जम्मू-काश्मीरमधील(Jammu and Kashmir) पहलगाम येथे घडलेल्या दहशतवादी हल्ल्यात(terrorist attack) 28 निष्पाप पर्यटकांचा बळी गेल्याने संपूर्ण देश हादरून गेला आहे. या क्रूर घटनेचे खोल घाव पीडित कुटुंबीयांच्या मनावर कायम राहणार आहेत. महाराष्ट्र, उत्तर प्रदेश, बिहार, तामिळनाडू, केरळसह देशभरातून पर्यटनासाठी गेलेल्या नागरिकांना परत येताना त्यांच्या प्रियजनांचे मृतदेह उचलावे लागले, ही वेदना शब्दात मांडता येणारी नाही.

या भीषण हल्ल्यानंतर केंद्र सरकारने कठोर पावले उचलली आहेत. भारत सरकारने सिंधू जल करार थांबवण्याचा निर्णय घेतला असून, देशातील पाकिस्तान उच्चायुक्तालय आठवड्याभरात रिकामे करण्याचे आदेश दिले आहेत. पाकिस्तानी राजदूतांना परत पाठवले जाणार असून, पाकिस्तानी नागरिकांना व्हिसाही देण्यात येणार नाही. तसेच अटारी-वाघा सीमाही बंद करण्यात आली आहे.

‘एकाची चूक, पण शिक्षा सर्वांनाच’: काश्मिरी ड्रायव्हरची हतबल भावना

या पार्श्वभूमीवर, नाशिकहून गेलेल्या एका मराठी कुटुंबाला आपला जीव वाचवण्यासाठी मदत करणाऱ्या काश्मिरी टॅक्सी ड्रायव्हर आदिलचा व्हिडीओ सध्या सोशल मीडियावर मोठ्या प्रमाणात व्हायरल झाला आहे. आदिलने त्या कुटुंबाला केवळ सुरक्षित आसरा दिला नाही, तर त्यांना अन्न व आधारही दिला.

कॅमेऱ्यासमोर आदिल सांगतो, “एका व्यक्तीने चूक केली, पण त्याची शिक्षा आम्हा सर्व काश्मिरींना भोगावी लागते. आम्ही अशा हिंसेचे समर्थन करत नाही. इथे जे घडले ते मानवतेचा खून आहे.”

पर्यटनावर निर्भर अर्थव्यवस्थेला जबर फटका

आदिलने हताशपणे सांगितले की, “या हल्ल्यामुळे आमच्या पर्यटनावर आधारित अर्थव्यवस्थेवर मोठा आघात होईल. हॉटेल मालक, रस्त्यावरचे विक्रेते, गाईड्स – सर्वांची रोजी-रोटी बंद होईल. आम्ही चेहरा कुठे दाखवायचा?”

काश्मीरमधील बहुतांश सामान्य नागरिक दहशतवादात(terrorist attack) सहभागी नसले, तरी त्यांच्या रोजच्या जीवनावर त्याचा गंभीर परिणाम होतो आहे. आदिलचा व्हिडीओ त्याचं दुःख, वेदना आणि निरागसतेचं प्रतिबिंब आहे.

काश्मीरच्या माणुसकीचा एक तुकडा उजळला, पण संपूर्ण भूमी काळवंडली

दहशतीच्या(terrorist attack) या घटनेनंतरही माणुसकीचे जे काही शिल्प शिल्लक आहे, ते आदिलसारख्या नागरिकांमुळे दिसत आहे. पण या एका क्षणी, संपूर्ण काश्मीर आणि तिथला सामान्य माणूसही एका काळ्याकुट्ट छायेत अडकला आहे. पाकिस्तान प्रायोजित दहशतवादाने केवळ जीव घेतले नाहीत, तर नातेसंबंध, विश्वास आणि रोजगारही हिरावून घेतले आहेत.
28-innocent-tourists-killed-in-terrorist-attack-in-pahalgam-jammu-and-kashmir